قر رەسپۋبليكالىق بيۋدجەتتٸڭ اتقارىلۋىن باقىلاۋ جٶنٸندەگٸ ەسەپ كوميتەتٸنٸڭ تٶراعاسى ناتاليا گودۋنوۆا بيۋدجەتتٸ جوسپارلاۋدىڭ بٸرجىلدىق جٷيەسٸنە قايتا كٶشۋدٸ ۇسىندى, دەپ حابارلايدى قازاقپارات.
«بيىل بٸر جاعىنان قارابايىر بولىپ كٶرٸنگەنٸمەن, ٶتە ماڭىزدى مەسەلە كٷن تەرتٸبٸنە شىقتى. بيۋدجەت جوباسى بەكٸتٸلگەن جاعدايدا تولىقتاي قالىپتاستىرىلۋى كەرەك دەگەن تالاپ قويىلدى. بيۋدجەتتٸڭ دامۋعا بٶلٸنگەن بٶلٸگٸ تولىق قامتاماسىز ەتٸلٸپ, شىعىستار جاعى جەتكٸلٸكسٸز بولۋى مٷمكٸن ەمەس. سوندىقتان قالاي بولعاندا دا, بۇل قاجەتتٸلٸكتٸ جىلدىڭ ورتاسىندا ۇلتتىق قوردان جابۋعا تۋرا كەلەدٸ», – دەدٸ ناتاليا گودۋنوۆا پارلامەنتتٸڭ بٸرلەسكەن وتىرىسىندا.
ونىڭ سٶزٸنە قاراعاندا, بۇل ٸستە بيۋدجەت تەۋەكەلدەرٸن تيٸمدٸ باسقارۋ ماڭىزدى.
«ٷشجىلدىق بيۋدجەت دەگەن فورمالدى دٷنيە عانا بولىپ قالعانى بارشاعا ايان. ٷش جىلدىق بيۋدجەتتٸ قالىپتاستىرۋدىڭ ٶزٸنە عانا ٶتە كٶپ ۋاقىت كەتٸپ جاتىر. ال ناقتىلاۋ جەنە تٷزەتۋ كەزٸندە العاشقى بٸر جىلى عانا ەسكەرٸلەدٸ. قالعان ەكٸ جىلىنا مەن دە بەرمەيمٸز. كەلەسٸ كەزەڭگە بيۋدجەت جوسپارلاعان كەزدە ٶتكەن جولى قولداۋ تاپقان شىعىستاردىڭ بٸر بٶلٸگٸ تٷسٸپ قالۋى دا مٷمكٸن. سالدارىنان اياقسىز قالعان جوبالار, قۇرىلىسى بٸتپەي قالعان نىساندار پايدا بولادى. بٸزدٸڭ ويىمىزشا, بٸرجىلدىق بيۋدجەت جوسپارلاۋ جٷيەسٸنە ورالۋ مەسەلەسٸن كٶتەرەتٸن كەز كەلدٸ», - دەدٸ كوميتەت باسشىسى.
