Búgin Senat otyrysynda «Raqymshylyq jasaý týraly» zań maquldanǵan bolatyn. Osy turǵyda zań ǵylymdarynyń doktory, professor Esbergen Orazuly oiyn aitty, dep habarlaidy BAQ.KZ tilshisi.
"Qańtar oqiǵasyna qatysqan azamattarǵa raqymshylyq berý týraly zań – gýmanizmniń bir belgisi. Qazir orta eseppen 1,5 myńnan asa adam osy keshirim zańyna ilinedi deýde. Ol asa aýyr, aýyr jáne jeńil qylmystarǵa qatysty. Jeńil qylmys sanatynda júrgender jóninde isti tipti toqtamǵa alady. Bul - Prezidenttiń Qazaqstan halqyna jasap jatqan keshiriminiń biri. Árine bul sheshimmen tolyqtai kelisemiz. Bul - álemdik praktikada bar dúnie", – deidi ol.
Sondai-aq qańtar oqiǵasynda kópshiliktiń arańdatýshylardyń, arnaiy qozǵaýshy kúshterdiń qurbany bolǵanyn aitty.
"Qańtar oqiǵasynda kóp adamdardyń tikelei qylmys jasaý nietimen alańǵa shyqqany týraly aitý qiyn. Sebebi, túrli qozǵaýshy kúshter boldy. Sondyqtan bul másele obektivti, sýbektivti jaǵynan tolyq eskerilip, búgin osyndai sheshim qabyldandy. Prezident bul zańǵa qol qoiǵan kúnnen bastap, árbir óńirdegi osy sanattaǵy azamattar raqymshylyqqa ie bolady", – deidi Esbergen Orazuly.
Esterińizge sala keteiik, osyǵan deiin Cenat otyrysynda bul zań jobasy Prezident Qasym-Jomart Toqaevtyń 2022 jylǵy 1 qyrkúiektegi «Ádiletti memleket. Birtutas ult. Berekeli qoǵam» atty Qazaqstan halqyna Joldaýyndaǵy izgilik ideiasynyń negizinde igi niettilik tanytyp, qańtar oqiǵalaryna qatysýshylarǵa bir rettik raqymshylyq jasaý týraly tapsyrmasyn iske asyrý maqsatynda ázirlengenin aitqan.
