Bilim jáne ǵylym ministri Erlan Saǵadiev almatylyq ata-ananyń ǵalamdyq jeli arqyly jasaǵan beineúndeýine jaýap berdi. Ministr 1-synyp oqýshylarynyń kóteretin júgi normadan 2-3 ese kóp degen máselege qatysty qabyldanatyn sheshimderin tanystyrdy. Sala mamandary bul baǵytta zertteýler júrgizip jatyr dep habarlaidy 31 arna.
«Onyń sheshimi bar. Mysaly oqýlyqtardy 2 bólimge bólý. 1 jartyjyldyq, sosyn 2 jartyjyldyq. 1-synypta ol jumys qolǵa alynǵan. Endi jańa jylda 2-shi, 5-shi, 7-shi synypqa sol jumystaryn qarastyryp jatyrmyz», — deidi Erlan Saǵadiev.
Vedomstvo basshysy bulai bolǵan jaǵdaida oqýlyq baǵasy ósýi múmkin ekenin jasyrmady. Alaida, baspa oryndarymen baǵany qatty qymbattatpaý úshin jumystar júrgizilip jatyr eken.
Al Saltanat Tájievanyń videoúndeýindegi taǵy bir másele –1-shi synyp oqýshylaryna arnalǵan oqýlyqtardaǵy tapsyrmalardyń kúrdeliligi bolǵan edi. Saǵadiev myrza, bir balaǵa qiyn bolǵan suraq, ekinshisine múldem ońai bolýy múmkin, eshqashan bárine unaityn nárse bolmaidy dep jaýap berdi.
