Almatyda KVI-diń táýliktik ósimi 25 tamyzdan bastap 1,16-dan 0,2%-ǵa deiin azaidy. Qalada infektsiianyń tómendeýi shamamen 74 paiyzǵa jetti. Bul týraly QR Prezidenti janyndaǵy Ortalyq kommýnikatsiialar qyzmetiniń baspasóz máslihatynda Erjan málim etti, dep habarlaidy QazAqparat.
Onyń aitýynsha, Almatyda epidjaǵdai turaqty.
«Qazirgi tańda jaǵdai turaqtandy. Biz jetkilikti deńgeide aqparattandyrý jumystaryn júrgizýdemiz. Sol sebepti protsester ashyq ótýde. Jumys júiesi Memleket basshysynyń strategiialyq mindetteri men nusqaýyna sai jalǵasýda. Biz VAK jáne Densaýlyq saqtaý ministrligimen tyǵyz bailanystamyz», -deidi Almaty qalasy ákiminiń orynbasary.
Almaty ákimi orynbasarynyń málimetinshe, aǵymdaǵy jyldyń basynan beri koronavirýs infektsiiasy 152 myń adamnan anyqtalǵan.
«2020 jyldyń jazynda jáne 2021 jyldyń basynda biz «ýhan» shtammymen bailanysty eki tolqynnan óttik. 2021 jyldyń kókteminde – «alfa» shtammymen týyndaǵan tolqyn. 19 shildede «delta» shtammynan týyndaǵan infektsiianyń eń aýyr tolqyny bastaldy. Búgin biz osy tolqynnan shyqtyq», - dedi ol.
Sonymen qatar Erjan Babaqumarov vaktsinatsiia naýqanynyń qalai júrip jatqanyn aitty.
«Vaktsina – biz úshin strategiialyq másele. Almaty qalasynda vaktsina naýqany aqpan aiynda bastalǵan. Biz sol kezde vaktsina júrgizý protsesiniń qurylymyn daiyndap qoidyq. 250 egý pýnkti daiyndaldy. Qazirgi tańda 160 pýnkt jumys atqaryp jatyr. 1000-nan astam meditsinalyq qyzmetkerler jumys isteýde. Sonymen qatar qala boiynsha 237 egý brigadasy qyzmet etip jatyr», - Erjan Babaqumarov.
Onyń sózinshe, pandemiiany tótep berýdiń birden bir jol ekpe alý.
«Biz vaktsina egý naýqanynyń arqasynda qala halqy 1,5 aidyń ishinde pandemiianyń kezekti tolqynyn jeńip shyqty. Pandemiianyń birinshi jáne ekinshi tolqynyndaǵy epidemiologiialyq tirkelgen jaǵdailarmen salystyratyn bolsaq, vaktsinatsiialaý oń nátije bergen», -deidi Almaty ákiminiń orynbasary.
