QR Prezidenti Qasym-Jomart Toqaevtyń Jarlyǵymen Erulan Jamaýbaev Qazaqstan Respýblikasynyń Qarjy ministri bolyp taǵaiyndaldy, dep habarlaidy Aqorda.
«Erulan Kenjebekuly Jamaýbaev Qazaqstan Respýblikasynyń Qarjy ministri bolyp taǵaiyndalsyn», - delingen Jarlyq mátininde.
Sondai-aq, Memleket basshysynyń ókimimen Erulan Kenjebekuly Jamaýbaev Qazaqstan Respýblikasy Qarjy ministrliginiń jaýapty hatshysy qyzmetinen bosatyldy.
Erulan Jamaýbaev 1974 jyly 25 naýryzda Almaty oblysynda týǵan.
Bilimi joǵary, 1995 jyly Qazaq memlekettik basqarý akademiiasyn, «Qarjy jáne kredit», 2009 jyly Qazaq ekonomikalyq ýniversitetin bitirgen, «Iskerlik ákimshilendirý magistri».
Eńbek joly:
1996-1998 jyldary – Qazaq memlekettik basqarý akademiiasynyń oqytýshysy.
1998-2006 jyldary – Qazaqstan Respýblikasy Ulttyq banki Zertteýler jáne statistika departamenti jetekshi sarapshysy, bas sarapshysy, bas maman-sarapshysy, basqarma bastyǵy, direktor orynbasary;
2006-2014 jyldary – Qazaqstan Respýblikasy Ulttyq bankiniń Úilestirý departamentiniń direktory.
2014-2015 jyldary – «Qazaqstannyń turǵyn úi qurylys banki» AQ-nyń basqarýshy direktory.
2015 jylǵy shilde men qarasha aralyǵynda – Qazaqstan Respýblikasynyń Prezidenti Ákimshiliginiń Áleýmettik-ekonomikalyq monitoring bólimi meńgerýshisiniń orynbasary.
2015 jylǵy qarasha men 2018 jylǵy qarasha aralyǵynda - Qazaqstan Respýblikasynyń Prezidenti Ákimshiliginiń Áleýmettik-ekonomikalyq monitoring bóliminiń meńgerýshisi.
2018 jylǵy qarasha men 2019 jylǵy naýryz aralyǵynda Qazaqstan Respýblikasy Prezidentiniń Kómekshisi.
Qazaqstan Respýblikasy Prezidentiniń 2019 jylǵy 22 naýryzdaǵy № 7 ókimimen Qazaqstan Respýblikasy Qarjy ministrliginiń Jaýapty hatshysy bolyp taǵaiyndalǵan.
