Óskemen qalasynda Ertis ózenine batyp bara jatqan áiel qutqaryldy, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, «Samal» saiabaǵynyń mańynda áieldiń sýǵa batyp bara jatqanyn baiqap qalǵan kýágerler kómekke shaqyrǵan. Sol jerge qutqarýshylar birden qaiyqpen jetti. Politsiia qyzmetkerlerimen birge áieldi jaǵaǵa shyǵaryp, jedel járdem dárigerlerine tapsyrdy.
«Belgili bolǵandai, 1960 jyly týǵan qala turǵyny ózennen sý alyp jatqanda taiyp ketken. Ózenge qulap, 100 metrdei aqqan ol jaǵaǵa deiin júzip jetkenimen sýdan shyǵa almaǵan. Kýágerler ony ary qarai aǵyp ketpes úshin qutqarýshylar kelgenshe ustap turdy», - dep habarlady vedomstvo ókilderi.
