Pavlodarda kásipkerge jalǵa berilgen ýchaskede qurylysta paidalanylǵan qaldyqtar Ertis ózenine tastalǵan, dep habarlaidy "Ult aqparat".
Júk tieýshi dúkendi salý úshin bólingen jerge qoqys tókken.
«Búgin áleýmettik jelilerde Ertis ózenine qurylys qaldyqtary tastalǵany týraly video tarady. Oqiǵa ornyna jergilikti politsiia men Pavlodar qalasynyń sáýlet jáne qala qurylysy bóliminiń qyzmetkerleri bardy», - dep habarlady Pavlodar ákimdiginiń baspasóz qyzmetinen.
Qalalyq ákimshiliktiń málimetteri boiynsha Sátbaev kóshesi, 336/2 mekenjaiynda ornalasqan ýchaskede dúken qurylysy júrgizilýde. Aýdany 0,1409 gektar jer 2020 jyly aýktsion arqyly úsh jyl merzimge ýaqytsha paidalanýǵa berildi. Aýmaqtyń maqsaty – dúken salý jáne onyń qyzmet kórsetýi.
«Qurylys qoqystaryn ózenge tastaý faktisi boiynsha ákimshilik hattama toltyryldy, menshik iesi abattandyrý qaǵidalaryn buzǵany úshin QR ÁQBtK-niń 505-baby boiynsha ákimshilik jaýapkershilikke tartylady. Sondai-aq material Ekologiia departamentine joldanatyn bolady», - dep tolyqtyrdy oblys ákimdiginen.
Qalalyq ákimdiktiń aqparaty boiynsha, menshik iesinde qurylys-montajdaý jumystarynyń bastalǵany týraly habarlama talon joq, sondyqtan ákimshilik sharalar qabyldaý úshin materialdar Pavlodar oblysynyń Qala qurylysy jáne jerdi baqylaý basqarmasyna beriletin bolady. Bul aqparatty Pavlodar oblysynyń Politsiia departamenti de rastady.
«Sondai-aq, qurylys iesi jaǵalaýdy tazartatyn bolady», - dep atap ótti politsiiadan.
