26 qańtarda Úkimettiń keńeitilgen otyrysy ótedi.
Bul jaiynda Memleket basshysynyń baspasóz hatshysy Berik Ýáli Facebook paraqshasynda habarlady.
«Erteń, iaǵni 26 qańtar kúni Memleket basshysy Qasym-Jomart Toqaevtyń tóraǵalyǵymen Úkimettiń keńeitilgen quramdaǵy otyrysy ótedi. Onlain formatta ótetin jiynda eldiń áleýmettik-ekonomikalyq damýynyń 2020 jylǵy qorytyndylary men aldaǵy jospary talqylanbaq» dep jazdy Berik Ýáli.
Akkreditatsiiadan ótken buqaralyq aqparat quraldarynyń ókilderi atalǵan is-sharany «Qazmedia ortalyǵynan» der kezinde taratýǵa múmkindik alady.
