«Asyl arnanyń» kontentin «Halyq arnaǵa» tolyq tapsyratyn Muhametjan Tazabekovke dán rizamyz. Bul týraly Ortalyq kommýnikatsiialar qyzmetinde ótken brifingide QMDB tóraǵasynyń orynbasary Ershat Ońǵarov aitty, dep habarlaidy QazAqparat.
«Asyl arna» telearnasynyń direktory Muhametjan Tazabekov QMDB janyndaǵy ǵulamalar keńesiniń otyrysyna kelip málimdedi. Tirnektep jinaǵan kontenttik arhivin «Halyq arnaǵa» tolyq tapsyratynyn aitty. Muhametjanǵa osyndai kemeńgerlik kórsetkeni úshin dán rizamyz», - deidi QMDB tóraǵasynyń orynbasary Ershat Ońǵarov.
Sondai-aq, «Halyq arna» telearnasynyń Bas direktory Nurjan Darqulov arnadan qandai baǵdarlamalar kórsetiletini týraly aitty.
«Bul QMDB-nyń arnasy bolǵandyqtan, negizgi basymdylyq dini-aǵartýshylyq baǵytqa jumsalady. Sonymen qatar, dástúr qundylyqtaryn, tarih, mádeniet, din men dástúr sabaqtasqan, qabysqan mazmundaǵy baǵdarlamalar bolady. Sonymen qatar, bul arnadan ult aspaptar orkestiriniń kontsertteri, rýhani keshter de kórsetiledi. Bul - dini, mádeni, rýhani, tarihi baǵyttaǵy arna deýge bolady», - deidi Nurjan Talasuly.
