Kúrektei saqal ósirip, balaǵyn qysqartyp, qara kiimmen tumshalanǵandar elimizdiń qurylymy men saiasatyna kelispeitindigin kórsetkisi keledi. Bul týraly QR Din isteri jáne azamattyq qoǵam ministri Nurlan Ermekbaev halyqqa esep berý kezdesýi barysynda aitty, dep habarlaidy "Ult aqparat" Baq.kz portalyna silteme jasap.
«Bul - bizdiń mádenietimizge jáne salt-dástúrimizge jat nárse. Óitkeni qazaq áielderi bet-álpetin jabatyn qara kiim kimegen. Onyń ústine bul máselede kiimniń yńǵailylyǵyna, onyń tiimdiligine qaraý kerek. Adamnyń senimi, onyń imany berik bolsa, eshqandai kiim nemese syrtqy kórinister yqpal ete almaidy. Elbasynyń aitqan sózderiniń maǵynasy da osy», - dep atap ótti Nurlan Ermekbaev.
Ministr adamnyń senimi, imany eń aldymen onyń jan dúniesinde, adamnyń júreginde dei kele, uly aqyn Abai Qunanbaevtyń sózin mysalǵa keltire ketti.
«Uly Abai aitqandai, «Alla degen sóz jeńil, Allaǵa aýyz qol emes. Yntaly júrek, shyn kóńil, Ózgesi haqqa jol emes». Iman eń aldymen adamnyń júreginde bolý kerek. Qandai beinemen júrý bul, árine, ár adamnyń óz quqyǵy. Biraq teris aǵymdardyń jeteginde júrgender osyndai kiim kiiý arqyly osy memlekettiń qurylymymen jáne saiasatymen kelispeitinin, qoǵamǵa qarsy ekendikterin kórsetkisi keledi», - dedi ministr.
Bul oraida, N. Ermekbaev Taiaý Shyǵys turǵyndarynyń mundai kiim kiiýi olardyń klimattyq, geografiialyq jáne tarihi máselelerine bailanysty ekenin alǵa tartty.
«Halqymyzdyń ózindik salt-dástúrleri bar. Ózimizdiń ulttyq namysymyz bar. Basqa elderge kózsiz elikteýdiń qanshalyqty qajeti bar. Elbasy aitqandai, ózimizdiń saltymyz ben ádet-ǵurpymyzdy saqtap, dástúrli kiim kiem deýshilerge eshqandai qarsylyq joq. Eger zamanaýi talaptarǵa sáikes yńǵaily kiim kiip, moraldy-etikalyq qaǵidalardy saqtap júretin bolsa, oǵan da eshqandai qarsylyq joq. Bir sózben aitqanda, bul máselede biz tarihi ulttyq erekshelikterdi eskerýimiz qajet», - dep túiindedi sózin halyqpen kezdesýinde QR Din isteri jáne azamattyq qoǵam ministri N. Ermekbaev.
Atalǵan ministrlik ókilderi bul baǵytta memlekettik organ tarapynan aqparattyq-túsindirý jumystary júrgizilip jatqandyǵyn habarlady.
Eske sala keteiik, qazirgi ýaqytta «Qazaqstan Respýblikasynyń keibir zańnamalyq aktilerine dini qyzmet jáne dini birlestikter máseleleri boiynsha ózgerister men tolyqtyrýlar engizý týraly» zań jobasynyń tujyrymdamasy talqylanýda. Onda qoǵamdyq oryndarda bet-álpetin jaýyp turatyn kiim úlgilerin kiiýge tyiym salynýy múmkin. Alaida, bul talap elge kelgen shetel azamattaryna qatysty qoldanylmaidy.
