كٷرەكتەي ساقال ٶسٸرٸپ, بالاعىن قىسقارتىپ, قارا كيٸممەن تۇمشالانعاندار ەلٸمٸزدٸڭ قۇرىلىمى مەن ساياساتىنا كەلٸسپەيتٸندٸگٸن كٶرسەتكٸسٸ كەلەدٸ. بۇل تۋرالى قر دٸن ٸستەرٸ جەنە ازاماتتىق قوعام مينيسترٸ نۇرلان ەرمەكباەۆ حالىققا ەسەپ بەرۋ كەزدەسۋٸ بارىسىندا ايتتى, دەپ حابارلايدى "ۇلت اقپارات" Baq.kz پورتالىنا سٸلتەمە جاساپ.
«بۇل - بٸزدٸڭ مەدەنيەتٸمٸزگە جەنە سالت-دەستٷرٸمٸزگە جات نەرسە. ٶيتكەنٸ قازاق ەيەلدەرٸ بەت-ەلپەتٸن جاباتىن قارا كيٸم كيمەگەن. ونىڭ ٷستٸنە بۇل مەسەلەدە كيٸمنٸڭ ىڭعايلىلىعىنا, ونىڭ تيٸمدٸلٸگٸنە قاراۋ كەرەك. ادامنىڭ سەنٸمٸ, ونىڭ يمانى بەرٸك بولسا, ەشقانداي كيٸم نەمەسە سىرتقى كٶرٸنٸستەر ىقپال ەتە المايدى. ەلباسىنىڭ ايتقان سٶزدەرٸنٸڭ ماعىناسى دا وسى», - دەپ اتاپ ٶتتٸ نۇرلان ەرمەكباەۆ.
مينيستر ادامنىڭ سەنٸمٸ, يمانى ەڭ الدىمەن ونىڭ جان دٷنيەسٸندە, ادامنىڭ جٷرەگٸندە دەي كەلە, ۇلى اقىن اباي قۇنانباەۆتىڭ سٶزٸن مىسالعا كەلتٸرە كەتتٸ.
«ۇلى اباي ايتقانداي, «اللا دەگەن سٶز جەڭٸل, اللاعا اۋىز قول ەمەس. ىنتالى جٷرەك, شىن كٶڭٸل, ٶزگەسٸ حاققا جول ەمەس». يمان ەڭ الدىمەن ادامنىڭ جٷرەگٸندە بولۋ كەرەك. قانداي بەينەمەن جٷرۋ بۇل, ەرينە, ەر ادامنىڭ ٶز قۇقىعى. بٸراق تەرٸس اعىمداردىڭ جەتەگٸندە جٷرگەندەر وسىنداي كيٸم كييۋ ارقىلى وسى مەملەكەتتٸڭ قۇرىلىمىمەن جەنە ساياساتىمەن كەلٸسپەيتٸنٸن, قوعامعا قارسى ەكەندٸكتەرٸن كٶرسەتكٸسٸ كەلەدٸ», - دەدٸ مينيستر.
بۇل ورايدا, ن. ەرمەكباەۆ تاياۋ شىعىس تۇرعىندارىنىڭ مۇنداي كيٸم كييۋٸ ولاردىڭ كليماتتىق, گەوگرافييالىق جەنە تاريحي مەسەلەلەرٸنە بايلانىستى ەكەنٸن العا تارتتى.
«حالقىمىزدىڭ ٶزٸندٸك سالت-دەستٷرلەرٸ بار. ٶزٸمٸزدٸڭ ۇلتتىق نامىسىمىز بار. باسقا ەلدەرگە كٶزسٸز ەلٸكتەۋدٸڭ قانشالىقتى قاجەتٸ بار. ەلباسى ايتقانداي, ٶزٸمٸزدٸڭ سالتىمىز بەن ەدەت-عۇرپىمىزدى ساقتاپ, دەستٷرلٸ كيٸم كيەم دەۋشٸلەرگە ەشقانداي قارسىلىق جوق. ەگەر زاماناۋي تالاپتارعا سەيكەس ىڭعايلى كيٸم كيٸپ, مورالدى-ەتيكالىق قاعيدالاردى ساقتاپ جٷرەتٸن بولسا, وعان دا ەشقانداي قارسىلىق جوق. بٸر سٶزبەن ايتقاندا, بۇل مەسەلەدە بٸز تاريحي ۇلتتىق ەرەكشەلٸكتەردٸ ەسكەرۋٸمٸز قاجەت», - دەپ تٷيٸندەدٸ سٶزٸن حالىقپەن كەزدەسۋٸندە قر دٸن ٸستەرٸ جەنە ازاماتتىق قوعام مينيسترٸ ن. ەرمەكباەۆ.
اتالعان مينيسترلٸك ٶكٸلدەرٸ بۇل باعىتتا مەملەكەتتٸك ورگان تاراپىنان اقپاراتتىق-تٷسٸندٸرۋ جۇمىستارى جٷرگٸزٸلٸپ جاتقاندىعىن حابارلادى.
ەسكە سالا كەتەيٸك, قازٸرگٸ ۋاقىتتا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە دٸني قىزمەت جەنە دٸني بٸرلەستٸكتەر مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىنىڭ تۇجىرىمداماسى تالقىلانۋدا. وندا قوعامدىق ورىنداردا بەت-ەلپەتٸن جاۋىپ تۇراتىن كيٸم ٷلگٸلەرٸن كييۋگە تىيىم سالىنۋى مٷمكٸن. الايدا, بۇل تالاپ ەلگە كەلگەن شەتەل ازاماتتارىنا قاتىستى قولدانىلمايدى.
