QR Din isteri jáne azamattyq qoǵam ministri Nurlan Ermekbaevtyń qazaqstandyqtardy Qurban ait meiramymen quttyqtady.
«Búgingi tańda Qurban ait meiramyn toilaýdyń ulttyq erekshelikterimizge sai formaty qalyptasyp, osynaý qasterli mereke Qazaqstan halqynyń birligin, konfessiialar arasyndaǵy ózara túsinistikti nyǵaitýǵa yqpal etip keledi», - delingen ministrdiń quttyqtaýynda.
Din isteri jáne azamattyq qoǵam ministri bul mereke - tek musylmandarǵa ǵana emes, barlyq adamzat balasyna qairymdylyq jasaýǵa shaqyratyndyǵyn málim etti.
«Jaǵdaiy jetkenderdiń qurban shalyp, onyń etin turmysy tómenderge taratýy halqymyz arasynda aýyzbirshilik pen tatýlyqtyń, adamdardyń áleýmettik jaǵdaiyna qaramastan bir-birlerimen qushaq jaia aralasýyna múmkindik týǵyzady.
Qurban Ait kúnderinde adamdar bir-birin quttyqtap, bir-biriniń úiinen dastarqannan dám tatady, bul kúni ádette musylmannyń úiinde dastarqan jaiylady», - dedi ministr.
Onyń aitýynsha adam balasynyń ómirin tek materialdy igilikter ǵana quramaidy, iaǵni baqytqa jetýde rýhani negizderdiń mańyzdy orny bar.
«Dástúrli dinimizdiń jasampaz áleýeti rýhani-ónegelik qundylyqtardy damytýǵa jáne otansúigishtik rýhyna negizdele otyryp, qoǵamdaǵy tatýlyq pen konfessiiaaralyq kelisimdi órkendetýge odan ári qyzmet ete beredi dep senemin.
Búgingi Qurban ait merekesi rýhani serpilisimizge sebepker bolyp, árbir shańyraqqa qut-bereke ákelsin.
Barsha qazaqstandyqtarǵa zor densaýlyq, bereke, baqyt jáne mol tabys tileimin! Ait qabyl bolsyn!», - dedi Nurlan Ermekbaev.
.jpeg)