QR Qorǵanys ministri Nurlan Ermekbaev Arystaǵy jarylys bolǵan áskeri qalashyq týraly aityp berdi, dep habarlaidy "Ult aqparat".
«Arystaǵy áskeri qalashyqtar men arsenal áskerilerdiń jiti baqylaýynda. Olardyń bir bóligi arnaiy qorǵalǵan býnkerde saqtaýly, bir bóligi tiisti qorǵanyspen qamtylǵan. Sondyqtan, olardyń qaýipsizdigine kepildik beriledi (...) Bul arsenal barlyq kúzet quraldarymen, dabyl qaqqyshpen jabdyqtalǵan. Qoimalardyń ainalasy topyraqpen kómilgen. Sondyqtan, atalǵan oqiǵa sebepterin arnaiy qurylǵan tergeý toby anyqtaityn bolady. Munda eshqandai radiaktivti oq-dári men snariadtar saqtalǵan joq. Eshqandai radiatsiia qaýpi joq», - dedi Nurlan Ermekbaev Arys qalasynda tikelei efirde ótken brifingte.
Buǵan deiin Qorǵanys ministri Arys turǵyndaryna jedel shtabtyń ruqsatynsyz baspanalaryna qaityp kelmeýdi ótindi. Sebebi Arystyń kóshelerinde jarylmai qalǵan oq-dáriler bolýy múmkin.
Onyń sózinshe, barlyq úiler men kvartaldar politsiia men qarýly kúshterdiń jiti baqylaýynda. Sondyqtan eshqandai tonaýshylyq pen urlyq-qarlyq bolmaidy.
