قر قورعانىس مينيسترٸ نۇرلان ەرمەكباەۆ ارىستاعى جارىلىس بولعان ەسكەري قالاشىق تۋرالى ايتىپ بەردٸ, دەپ حابارلايدى "ۇلت اقپارات".
«ارىستاعى ەسكەري قالاشىقتار مەن ارسەنال ەسكەريلەردٸڭ جٸتٸ باقىلاۋىندا. ولاردىڭ بٸر بٶلٸگٸ ارنايى قورعالعان بۋنكەردە ساقتاۋلى, بٸر بٶلٸگٸ تيٸستٸ قورعانىسپەن قامتىلعان. سوندىقتان, ولاردىڭ قاۋٸپسٸزدٸگٸنە كەپٸلدٸك بەرٸلەدٸ (...) بۇل ارسەنال بارلىق كٷزەت قۇرالدارىمەن, دابىل قاققىشپەن جابدىقتالعان. قويمالاردىڭ اينالاسى توپىراقپەن كٶمٸلگەن. سوندىقتان, اتالعان وقيعا سەبەپتەرٸن ارنايى قۇرىلعان تەرگەۋ توبى انىقتايتىن بولادى. مۇندا ەشقانداي رادياكتيۆتٸ وق-دەرٸ مەن سناريادتار ساقتالعان جوق. ەشقانداي رادياتسييا قاۋپٸ جوق», - دەدٸ نۇرلان ەرمەكباەۆ ارىس قالاسىندا تٸكەلەي ەفيردە ٶتكەن بريفينگتە.
بۇعان دەيٸن قورعانىس مينيسترٸ ارىس تۇرعىندارىنا جەدەل شتابتىڭ رۇقساتىنسىز باسپانالارىنا قايتىپ كەلمەۋدٸ ٶتٸندٸ. سەبەبٸ ارىستىڭ كٶشەلەرٸندە جارىلماي قالعان وق-دەرٸلەر بولۋى مٷمكٸن.
ونىڭ سٶزٸنشە, بارلىق ٷيلەر مەن كۆارتالدار پوليتسييا مەن قارۋلى كٷشتەردٸڭ جٸتٸ باقىلاۋىندا. سوندىقتان ەشقانداي توناۋشىلىق پەن ۇرلىق-قارلىق بولمايدى.
