Ermek Saǵymbaev Ulttyq qaýipsizdik komitetiniń tóraǵasy laýazymyna qaita taǵaiyndaldy, - dep habarlaidy "Ult aqparat" Aqordanyń baspasóz qyzmetine silteme jasap.
"Ermek Aldabergenuly Saǵymbaev Qazaqstan Respýblikasy Ulttyq qaýipsizdik komitetiniń tóraǵasy laýazymyna taǵaiyndalsyn", - delingen Prezident Jarlyǵynda.
Aita keteiik, Saǵymbaev Qazaq politehnikalyq institýtyn (1989 j.) jáne ál-Farabi atyndaǵy Qazaq ulttyq ýniversitetin (2007 j.) bitirgen.
1994-2006 jyldary – ulttyq qaýipsizdik organdarynda ofitserlik laýazymdaǵy qyzmetterdi atqardy;
2006-2019 jyldary – QR Prezidenti Kúzet qyzmetiniń ofitserlik jáne basshylyq laýazymdarynda qyzmet atqardy;
2019-2021 jyldary – Memlekettik kúzet qyzmeti bastyǵynyń orynbasary – QR Prezidenti Kúzet qyzmetiniń bastyǵy;
2021-2022jj. - Memlekettik kúzet qyzmeti bastyǵynyń mindetin atqarýshy, bastyǵy;
2022 jylǵy qańtardan bastap – QR Ulttyq qaýipsizdik komitetiniń tóraǵasy.
II dárejeli «Dańq» ordenimen, vedomstvolyq jáne mereitoilyq medaldarmen nagradtalǵan. QR MQK Qurmetti qyzmetkeri.
2020 jyly QR Prezidentiniń Jarlyǵymen Memlekettik kúzet qyzmetiniń general-maiory ataǵy berildi.
2022 jyly QR Prezidentiniń Jarlyǵymen ulttyq qaýipsizdik general-leitenanty ataǵy berildi.
