- QR Syrtqy ister ministri Erlan Ydyrysov BAQ ókilderin keshe EKSPO aýmaǵynda bolǵan oqiǵany dúrliktirmeýge shaqyrdy. Bul jaiynda ol búgin Senattyń jalpy otyrysynan keiin tilshiler saýalyna jaýap berý kezinde málim etti, dep habarlaidy QazAqparat.
«Bul jaǵdai imidjge eshqandai áser etpeidi. Osy rette barlyǵy tiisti túsiniktemeni berdi. Bul taqyrypty dúrliktirýdiń qajeti joq. Barlyq jumystar josparly júrgizilip keledi», - dedi ministr.
Bul turǵyda ol qurylys barysynda bundai jaǵdailar bolyp turatynyn jetkizdi.
E. Ydyrysov osy jaǵdaiǵa shuǵyl áreket jasalǵanyna jáne eń bastysy adamdar qurban bolmaǵanyna toqtala kele: «Atap aitqanda, qurylys nysandary der kezinde tapsyrylady jáne EKSPO boiynsha barlyq maqsattar oryndalady», - dedi.
Aita keteiik, kúni keshe Astanadaǵy EKSPO-2017 kórmesi alańynda bir ǵimarattyń alańyndaǵy kópir qaq ortasynan opyrylylyp tústi. EKSPO-nyń baspasóz qyzmeti ile-shala apatqa BI Group kompaniiasynyń jaýapty ekenin málimdedi. Al qurylys kompaniiasynyń ózi qulaǵan konstrýktsiianyń dekorativti ekenin jetkizip, tiisti saraptamadan keiin xalyqty qulaǵdar etýge ýáde etti.
.jpeg)