QR Ishki ister ministri Erlan Turǵymbaev pen AQSh-tyń Qazaqstandaǵy Elshisi Ýiliam Mozer kezdesti. Bul týraly QR Ishki ister ministrliginiń resmi ókili Nurdildá Oraz málim etti, dep habarlaidy "Ult aqparat".
«Ishki ister ministri Erlan Turǵymbaev AQSh-tyń Qazaqstandaǵy Tótenshe jáne Ókiletti Elshisi Ýiliam Mozermen kezdesti. Taraptar birneshe baǵytta yntymaqtastyq máseleleri boiynsha pikir almasty. Onyń ishinde ishki ister salasyn reformalaý baǵytyndaǵy ortaq jobalar týraly jáne adam saýdasy qylmystaryna qarsy turý máseleleri talqylandy», - dedi Nurdildá Oraz.
Sonymen qatar resmi ókil kezdesýge qatysýshylar ishki ister organdaryna kadrlar daiyndaý júiesin jetildirý salasyndaǵy ózara is-qimyldyń oń nátijelerin atap ótkendigin aitty.
