Foto: ashyq derekkóz
Erlan Tóleýtai halyqaralyq kinofestivalderde «Úzdik akter» atandy, dep habarlaidy Ult.kz.
Qazaqstan Respýblikasynyń Mádeniet jáne aqparat ministrligi belgili akter Erlan Tóleýtaidy álemdik deńgeidegi marapattarymen quttyqtady.
12–22 qarasha aralyǵynda Irlandiia astanasy Dýblinde ótken XIII Silk Road International Film Festival qorytyndysy boiynsha rejisser Elzat Eskendirdiń «Ábil» filminde basty róldi somdaǵan Erlan Tóleýtai «Úzdik akter» júldesin ielendi.
Sonymen qatar, Parijde ótken qazaq kinosy festivalinde de akterdiń óneri erekshe baǵalanyp, taǵy da «Úzdik akter» ataǵy berildi.
Bul – otandyq kinematografiia úshin úlken qýanysh ári mańyzdy jetistik. Júldeler qazaqstandyq kinoǵa degen halyqaralyq qyzyǵýshylyqtyń artyp kele jatqanyn, al akterlerdiń kásibi deńgeiiniń joǵary ekenin aiqyn kórsetti.
«Ábil» filmi de, Erlan Tóleýtaidyń akterlik sheberligi de Qazaqstan kinosynyń álemdik mádeni keńistikte óz ornyn taba alatynyn taǵy rastady.
Mádeniet jáne aqparat ministrligi filmniń búkil shyǵarmashylyq tobyna ulttyq kinematografiiany damytýǵa jáne qazaqstandyq ónerdi shetelde tanytýǵa qosqan úlesi úshin alǵys bildirdi.
