Búgin Qasym-Jomart Toqaevtyń Respýblikalyq qoǵamdyq shtabynyń qorytyndy otyrysy ótti. Jiyn barysynda úgit-nasihat kezeńinde atqarylǵan jumystar talqylandy, dep habarlaidy
Shtab basshysy Erlan Qoshanov prezidenttik sailaý zańǵa jáne halyqaralyq normalarǵa tolyq sáikes ótkenin jetkizdi.
Ol Qasym-Jomart Toqaevtyń sailaýdaǵy aiqyn jeńisi – qoǵamnyń Prezidentke jáne onyń reformalar baǵytyna degen zor seniminiń kórsetkishi ekenin basa aitty. Sailaý Halyqtyq koalitsiiaǵa kirgen barlyq partiia men qoǵamdyq uiymdardy bir komandaǵa biriktirdi. Olar barlyq aimaqty aralap, aýqymdy úgit-nasihat jumystaryn júrgizdi.
«Jalpy, bul sailaý qoǵam men biliktiń eldiń erteńgi damýyna qatysty túsinigi ortaq ekenin kórsetti. Halyq Prezidenttiń reformalary belgilengen merzimde jáne tolyq oryndalatynyna senimdi bolýy kerek. Bul – Halyqtyq koalitsiianyń basty mindeti», - dedi Shtab basshysy.
Erlan Qoshanov Halyqtyq koalitsiianyń, Respýblikalyq jáne aimaqtyq qoǵamdyq shtabtardyń múshelerine, senimdi ókilderge, jastar belsendileri men baqylaýshylarǵa atqarylǵan jumystar úshin alǵysyn bildirdi.
Úgit-nasihat naýqany kezinde Qasym-Jomart Toqaevtyń jaqtastary 42 qala men 5000-nan astam aýyldy aralady. Olar ótkizgen 24 myń úgit-nasihat is-sharasyna 3 million sailaýshy qatysty. Kezdesýler barysynda azamattardan 40 myńnan astam usynys pen tilek jinaldy.
«Halyqtyq koalitsiianyń jumysy munymen aiaqtalmaidy. Biz bárimiz Memleket basshysy jaqtastarynyń komandasynda qalamyz. Koalitsiiaǵa kirgen barlyq qoǵamdyq-saiasi kúsh Qasym-Jomart Toqaevtyń Sailaýaldy baǵdarlamasyn jáne barlyq saiasi reformany júzege asyrýǵa belsendi atsalysady dep oilaimyn», - dedi Erlan Qoshanov.
Jiyn barysynda tuńǵysh ǵaryshker, «Halyq qaharmany» Toqtar Áýbákirov, «Aq jol» Qazaqstan demokratiialyq partiiasynyń tóraǵasy Azat Perýashev, Qazaqstan Halyq partiiasynyń basshysy Ermuhamet Ertisbaev, qoǵam qairatkeri Jaqsybek Qulekeev, Qazaqstannyń Azamattyq Aliansynyń prezidenti Baný Nurǵazieva, Qazaqstan Jazýshylar odaǵynyń tóraǵasy Ulyqbek Esdáýlet, belgili zańger Baqytjan Bazarbek, Pavlodar oblystyq qoǵamdyq shtabynyń basshysy Ilia Terenchenko jáne «Qazaqstan Team» jastar birlestiginiń basshysy Oljas Súleimenov jáne koalitsiianyń basqa da músheleri sóz sóiledi.
