Qazaqstan Prezidentiniń kómekshisi Erlan Karin 2020 jyldyń saiasi qorytyndysyn shyǵardy, dep habarlaidy "Ult aqparat".
«Búkil álemdegidei Qazaqstan úshin de ótip bara jatqan jyl óte kúrdeli boldy. Degenmen aýqymdy qiyndyqtarmen syrtqy jaittardyń qysymyna qaramastan, bilik oqiǵa damýynyń teris stsenariileriniń júzege asýyna jol bermedi. Is júzinde jyl boiy barlyq memlekettik organdar - Prezident Ákimshiligi, Úkimet, ákimdikter úlken bir daǵdarysqa qarsy shtab retinde tótenshe jaǵdai rejiminde jumys istedi. Pandemiia kóptegen josparǵa túzetý jasaǵanymen, ol memlekettiń jalpy kúntártibin túbegeili ózgerte alǵan joq», - dep jazdy Erlan Karin Telegram akkaýntynda.
Onyń atap ótýinshe, bilik málimdegen reformalar baǵdaryn jalǵastyrý ústinde. Saiasi reformalardyń alǵashqy toptamasy júzege asyrylyp, onyń aiasynda beibit jinalystar týraly múldem jańa zań qabydldandy.
«Zań birden jumys istei bastady. Sailaý, partiialar jáne Parlament týraly zańnamalarǵa da ózgertýler engizildi. Jańa normalar da is júzinde júzege asyryp jatyr. Táýelsizdik kúni qarsańynda Prezident kelesi jyldyń basynda-aq saiasi reformalardyń kezekti toptamasy qabyldanatyndyǵyn jariialady. Bul reformalarǵa baǵdar saqtalatyndyǵyn jáne jalǵasatyndyǵyn bildiredi», - dedi ol.
Prezident kómekshisiniń atap ótýinshe, ótip bara jatqan jylda qoǵamdyq-saiasi alańdaǵy ózgerister jalǵasyp tapty. Jańa qoǵamdyq tulǵalar men túrli belsendi azamattyq toptar paida boldy. Saiasi partiialarda da býyn almasýy oryn alyp, jańa tulǵalar shyǵa bastady.
«Sondyqtan da pandemiia syndy qýatty stress-testpen betpe-bet kelgen Qazaqstannyń koronadaǵdarystyń teris áserin tómendete alǵany jáne óziniń damý kúntártibin júzege asyrýyn jalǵastyrýy jyldyń jalpy qorytyndysy sanalady», - dedi ol.
