Qazaqstandyq boksshy, 2016 jylǵy Olimpiada chempiony Daniiar Eleýsinov tanymal akter ári jekpe-jek sheberi Erkebulan Toqtardyń ózine jasaǵan usynysyna jaýap berdi, dep habarlaidy ult.kz.
Buǵan deiin Daniiar Eleýsinov Instagram paraqshasynda Erkebulan Toqtardyń sýretin jariialap, onymen ringte kezdeskisi keletinin aitqan.
«Olimpiada chempionyn bireýden tómen sanaityn osy haipqumardy maǵan berińder. Jarty raýnd», — dep jazǵan Eleýsinov.
Osydan keiin Erkebulan Toqtar videoúndeý jasap, «Qazaq qaharmanymen» jekpe-jek ótkizýge daiyn ekenin málimdedi. Alaida ol mundai kezdesý úshin laiyqty gonorar tólenýi kerek ekenin aitty.
«Dáke, eger meni urý mańyzdy bolyp tursa, qazir men kópshilik úshin qyzyl shúberek siiaqty bolyp turmyn. Múmkin, sondyqtan ol meni jaqtyrmai qalǵan shyǵar. Eger meni urý mindet bolsa, Ruh Boxing-ke kelip, jai ǵana uryp ketýlerińizge bolady. Men oǵan namystanbaimyn. Olimpiada chempionyna, onyń ústine qazaqqa, aǵaǵa jeńilý — uiat emes», — dedi Toqtar.
Ol jekpe-jekti kópshiliktiń aldynda ótkizgisi kelse, promoýterlerdiń qalypty jekpe-jek uiymdastyrýyn usyndy.
«Eger osyndai jekpe-jek shynymen kerek bolsa, aqsha tólesin, men bokstasýǵa daiynmyn. Óitkeni Dáke meni urmaiynsha tynyshtalmaityn siiaqty. Óitkeni ol — Olimpiada chempiony», — dedi Erkebulan Toqtar.
Al Eleýsinov Toqtardyń bul jaýabyna reaktsiia bildirip, ony «litsemer», iaǵni ekijúzdi dep ataǵan.
