قازاقستاندىق بوكسشى, 2016 جىلعى وليمپيادا چەمپيونى دانييار ەلەۋسٸنوۆ تانىمال اكتەر ەرٸ جەكپە-جەك شەبەرٸ ەركەبۇلان توقتاردىڭ ٶزٸنە جاساعان ۇسىنىسىنا جاۋاپ بەردٸ, دەپ حابارلايدى ult.kz.
بۇعان دەيٸن دانييار ەلەۋسٸنوۆ Instagram پاراقشاسىندا ەركەبۇلان توقتاردىڭ سۋرەتٸن جارييالاپ, ونىمەن رينگتە كەزدەسكٸسٸ كەلەتٸنٸن ايتقان.
«وليمپيادا چەمپيونىن بٸرەۋدەن تٶمەن سانايتىن وسى حايپقۇماردى ماعان بەرٸڭدەر. جارتى راۋند», — دەپ جازعان ەلەۋسٸنوۆ.
وسىدان كەيٸن ەركەبۇلان توقتار ۆيدەوٷندەۋ جاساپ, «قازاق قاھارمانىمەن» جەكپە-جەك ٶتكٸزۋگە دايىن ەكەنٸن مەلٸمدەدٸ. الايدا ول مۇنداي كەزدەسۋ ٷشٸن لايىقتى گونورار تٶلەنۋٸ كەرەك ەكەنٸن ايتتى.
«دەكە, ەگەر مەنٸ ۇرۋ ماڭىزدى بولىپ تۇرسا, قازٸر مەن كٶپشٸلٸك ٷشٸن قىزىل شٷبەرەك سيياقتى بولىپ تۇرمىن. مٷمكٸن, سوندىقتان ول مەنٸ جاقتىرماي قالعان شىعار. ەگەر مەنٸ ۇرۋ مٸندەت بولسا, Ruh Boxing-كە كەلٸپ, جاي عانا ۇرىپ كەتۋلەرٸڭٸزگە بولادى. مەن وعان نامىستانبايمىن. وليمپيادا چەمپيونىنا, ونىڭ ٷستٸنە قازاققا, اعاعا جەڭٸلۋ — ۇيات ەمەس», — دەدٸ توقتار.
ول جەكپە-جەكتٸ كٶپشٸلٸكتٸڭ الدىندا ٶتكٸزگٸسٸ كەلسە, پروموۋتەرلەردٸڭ قالىپتى جەكپە-جەك ۇيىمداستىرۋىن ۇسىندى.
«ەگەر وسىنداي جەكپە-جەك شىنىمەن كەرەك بولسا, اقشا تٶلەسٸن, مەن بوكستاسۋعا دايىنمىن. ٶيتكەنٸ دەكە مەنٸ ۇرمايىنشا تىنىشتالمايتىن سيياقتى. ٶيتكەنٸ ول — وليمپيادا چەمپيونى», — دەدٸ ەركەبۇلان توقتار.
ال ەلەۋسٸنوۆ توقتاردىڭ بۇل جاۋابىنا رەاكتسييا بٸلدٸرٸپ, ونى «ليتسەمەر», ياعني ەكٸجٷزدٸ دەپ اتاعان.
