Foto: jeli kadrlarynan
Talǵarda "Hýtor" bandasynyń basshysy dep atalǵan Hasan Qasymbaevtyń ne úshin ustalǵany belgili boldy. Ol 2021 jyly erejesiz jekpe-jek jattyqtyrýshysyn urlap, uryp soqty degen kúdikke ilindi, dep habarlaidy Stan.kz.
2021 jyldyń maýsymynda Talǵarda er adamdy toppen uryp-soǵyp jatqany týraly video tarady. Sipattamada jábir kórgen adamnyń erejesiz jekpe-jek jattyqtyrýshysy Arman Álimov ekeni atap ótildi.
Jábirlenýshiniń týystarynyń aitýynsha, aldymen ony bir top adam ónerkásiptik kombinat aýdanyndaǵy "Viktoriia" minimarketiniń aldynda uryp-soqqan. Keiin Keńdala kentiniń mańyndaǵy kanalǵa aparyp, es-tússiz ekenine qaramastan taǵy urǵan. Odan ári aýyr jaǵdaida Talǵar ortalyq aýrýhanasynyń jansaqtaý bólimine túsken. Keiin oǵan taǵy qysym kórsetpeý úshin ony Almaty meditsinalyq mekemesine aýystyrǵan.
Osy jaitqa bailanysty Almaty oblysynyń qylmystyq ister jónindegi mamandandyrylǵan aýdanaralyq sotymen sottalǵan bes kúdikti ustaldy. Búginde olar bas bostandyǵynan aiyrý oryndarynda jazasyn óteýdi jalǵastyryp jatyr.
Eske salsaq, "Hýtor" bandasynyń jetekshisi degen Hasan Qasymbaev ustalǵany týraly habarlaǵan edik.
Talǵardaǵy 16 jastaǵy Sherzattyń ólimine "Hýtor" bandasynyń qatysy bar degen aqparat taraǵan. Alaida Hasan Qasymbaev óziniń bul iste kinásiz ekenin aityp, úndeý jasady.
