فوتو: جەلٸ كادرلارىنان
تالعاردا "حۋتور" بانداسىنىڭ باسشىسى دەپ اتالعان حاسان قاسىمباەۆتىڭ نە ٷشٸن ۇستالعانى بەلگٸلٸ بولدى. ول 2021 جىلى ەرەجەسٸز جەكپە-جەك جاتتىقتىرۋشىسىن ۇرلاپ, ۇرىپ سوقتى دەگەن كٷدٸككە ٸلٸندٸ, دەپ حابارلايدى Stan.kz.
2021 جىلدىڭ ماۋسىمىندا تالعاردا ەر ادامدى توپپەن ۇرىپ-سوعىپ جاتقانى تۋرالى ۆيدەو تارادى. سيپاتتامادا جەبٸر كٶرگەن ادامنىڭ ەرەجەسٸز جەكپە-جەك جاتتىقتىرۋشىسى ارمان ەلٸموۆ ەكەنٸ اتاپ ٶتٸلدٸ.
جەبٸرلەنۋشٸنٸڭ تۋىستارىنىڭ ايتۋىنشا, الدىمەن ونى بٸر توپ ادام ٶنەركەسٸپتٸك كومبينات اۋدانىنداعى "ۆيكتورييا" مينيماركەتٸنٸڭ الدىندا ۇرىپ-سوققان. كەيٸن كەڭدالا كەنتٸنٸڭ ماڭىنداعى كانالعا اپارىپ, ەس-تٷسسٸز ەكەنٸنە قاراماستان تاعى ۇرعان. ودان ەرٸ اۋىر جاعدايدا تالعار ورتالىق اۋرۋحاناسىنىڭ جانساقتاۋ بٶلٸمٸنە تٷسكەن. كەيٸن وعان تاعى قىسىم كٶرسەتپەۋ ٷشٸن ونى الماتى مەديتسينالىق مەكەمەسٸنە اۋىستىرعان.
وسى جايتقا بايلانىستى الماتى وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىمەن سوتتالعان بەس كٷدٸكتٸ ۇستالدى. بٷگٸندە ولار باس بوستاندىعىنان ايىرۋ ورىندارىندا جازاسىن ٶتەۋدٸ جالعاستىرىپ جاتىر.
ەسكە سالساق, "حۋتور" بانداسىنىڭ جەتەكشٸسٸ دەگەن حاسان قاسىمباەۆ ۇستالعانى تۋرالى حابارلاعان ەدٸك.
تالعارداعى 16 جاستاعى شەرزاتتىڭ ٶلٸمٸنە "حۋتور" بانداسىنىڭ قاتىسى بار دەگەن اقپارات تاراعان. الايدا حاسان قاسىمباەۆ ٶزٸنٸڭ بۇل ٸستە كٸنەسٸز ەكەنٸن ايتىپ, ٷندەۋ جاسادى.
