Erekshe qajettiligi bar adamdar úshin eGov portalynda jańa 6 jańa qyzmet iske qosyldy. Bul týraly Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin málim etti, dep habarlaidy "Ult aqparat".
«Jaqynda biz erekshe qajettilikteri bar adamdar úshin taǵy 6 jańa qyzmetti iske qostyq. Endi, eGov portalynda ymdaý tili mamany, jeke kómekshi nemese sanatorii-kýrorttyq emdelý qyzmetterine tapsyrys berýge bolady. Sondai-aq, mindetti gigienalyq quraldarǵa tapsyrys, kreslo arbalar, estý apparattary, protezder jáne taǵy basqa qyzmetter qoljetimdi boldy», - dep jazdy ministr Facebook paraqshasynda.
Onyń habarlaýynsha, barlyǵy yńǵaily ári ońai. Qajetti qural men arbany alý maqsatynda HQO-da kezekte turýdyń qajettiligi joq. Bar bolǵany, eGov portaly arqyly tapsyrys bergen adamǵa Qazposhta kýrerleri barlyǵyn jetkizedi.
«Bizge jańa engizilimder týraly muqtaj adamdardyń bilgeni mańyzdy jáne oǵan kómektesetin jigitter bar ekendigi qýantady. Onyń sebebi, Instagram jelisinde meni @qazymcenter jigitteri belgilep, eGov portalynda qoljetimdi qyzmetter týraly rolikter túsiripti. Osy aýqymdy jumysy úshin olarǵa alǵysym sheksiz!» - deidi ministr.
