Foto: instagram.com/rterdogan
Syrtqy ister ministrligi ókili Túrkiia prezidentiniń Qazaqstanǵa memlekettik sapary týraly aityp berdi, - dep habarlaidy Tengrinews.kz.
Qazaqstan Respýblikasynyń Prezidenti Qasym-Jomart Toqaevtyń shaqyrýymen Túrkiia Respýblikasynyń prezidenti Rejep Taiyp Erdoǵan 12-13 qazanda Qazaqstanǵa memlekettik saparmen keledi.
"Sapar aiasynda 12 qazanda eki memleket basshylarynyń ekijaqty kezdesýi, sondai-aq Qazaqstan men Túrkiia arasyndaǵy joǵary deńgeidegi Strategiialyq yntymaqtastyq keńesiniń 4-otyrysy ótedi.
Kelissózder barysynda ózekti óńirlik jáne halyqaralyq máseleler boiynsha pikir almasyp, taraptar ekijaqty investitsiialyq jáne saýda-ekonomikalyq yntymaqtastyqtyń perspektivalaryn talqylaidy", - delingen habarlamada.
Túrkiia Respýblikasynyń basshysy Aziiadaǵy ózara is-qimyl jáne senim sharalary jónindegi keńestiń VI sammitine de qatysatyny aityldy.
