Túrkiianyń Ádilet jáne damý partiiasynyń músheleri prezident Rejep Erdoǵandy partiia basshysy etip sailady. Bul týraly Azattyq saity jazdy.
Partiia basshylyǵyna jalǵyz kandidat Erdoǵan bul qyzmette premer-ministr Binali Iyldyrymnyń ornyn basty. Erdoǵan sezge qatysqan 1470 delegattyń 95 paiyzynyń daýsyn ielendi. Ankarada stadionda myńdaǵan jaqtasynyń aldynda sóilegen Erdoǵan "Erteń azamattarymyzdyń saly sýǵa ketip, eńsesi ezilgennen góri ishtegi jáne syrttaǵy jaýyzdarǵa búgin qarsy turýdy jón kórdik" dedi.
Erdoǵan islamshyl baǵyttaǵy partiiany 2001 jyly quryp, bir jyldan soń onymen jeńiske jetken. Ol prezident bolyp sailanǵan soń partiiany basqarýdy úsh jylǵa basqa adamǵa tapsyra turǵan. Sebebi prezident partiia basshylyǵynda bolmaýy tiis edi. Biraq bul ereje biyl 16 sáýirde konstitýtsiiaǵa túzetýler engizgen referendýmnan soń ózgergen. Budan bylai Túrkiia prezidenti partiia múshesi jáne basshysy bola alady.
