تٷركييانىڭ ەدٸلەت جەنە دامۋ پارتيياسىنىڭ مٷشەلەرٸ پرەزيدەنت رەجەپ ەردوعاندى پارتييا باسشىسى ەتٸپ سايلادى. بۇل تۋرالى ازاتتىق سايتى جازدى.
پارتييا باسشىلىعىنا جالعىز كانديدات ەردوعان بۇل قىزمەتتە پرەمەر-مينيستر بينالي يىلدىرىمنىڭ ورنىن باستى. ەردوعان سەزگە قاتىسقان 1470 دەلەگاتتىڭ 95 پايىزىنىڭ داۋسىن يەلەندٸ. انكارادا ستاديوندا مىڭداعان جاقتاسىنىڭ الدىندا سٶيلەگەن ەردوعان "ەرتەڭ ازاماتتارىمىزدىڭ سالى سۋعا كەتٸپ, ەڭسەسٸ ەزٸلگەننەن گٶرٸ ٸشتەگٸ جەنە سىرتتاعى جاۋىزدارعا بٷگٸن قارسى تۇرۋدى جٶن كٶردٸك" دەدٸ.
ەردوعان يسلامشىل باعىتتاعى پارتييانى 2001 جىلى قۇرىپ, بٸر جىلدان سوڭ ونىمەن جەڭٸسكە جەتكەن. ول پرەزيدەنت بولىپ سايلانعان سوڭ پارتييانى باسقارۋدى ٷش جىلعا باسقا ادامعا تاپسىرا تۇرعان. سەبەبٸ پرەزيدەنت پارتييا باسشىلىعىندا بولماۋى تيٸس ەدٸ. بٸراق بۇل ەرەجە بيىل 16 سەۋٸردە كونستيتۋتسيياعا تٷزەتۋلەر ەنگٸزگەن رەفەرەندۋمنان سوڭ ٶزگەرگەن. بۇدان بىلاي تٷركييا پرەزيدەنتٸ پارتييا مٷشەسٸ جەنە باسشىسى بولا الادى.
