Buǵan deiin zańsyz kásipkerlik isi boiynsha kináli dep tanylǵan blogerler Erbolat Janabylov pen Elmira Tólegenovaǵa qatysty taǵy bir málimet belgili boldy. Astanada olardyń kompaniiasynyń balansyna tirkelgen segiz avtokólik aýktsion arqyly satylymǵa shyǵaryldy, dep habarlaidy ult.kz.
Málimetke sáikes, Astana qalasynyń Memlekettik múlik jáne jekeshelendirý departamenti 2025 jyly shyǵarylǵan segiz Hyundai Elantra avtokóligin saýdaǵa qoiǵan. Kólikter «Zhana Business» jaýapkershiligi shekteýli seriktestiginiń atyna rásimdelgen.
Aýktsion 7 shildede ótedi. Keibir avtokólikterdiń bastapqy baǵasy shamamen 8,4 million teńge bolyp belgilengen.
Alǵashqy kezeńde saýdaǵa memlekettik mekemeler qatysa alady. Eger kólikterge memlekettik uiymdar tarapynan suranys bolmasa, olar keiin ashyq aýktsion arqyly barlyq azamattarǵa usynylady.
Eske salaiyq, buǵan deiin sot blogerler Erbolat Janabylov pen Elmira Tólegenovany zańsyz kásipkerlik qyzmet júrgizdi dep tanyǵan bolatyn.
Qazirgi tańda tárkilengen múlikti ótkizý rásimderi zańnama talaptaryna sáikes júrgizilip jatyr.
