QR Premer-Ministriniń orynbasary Erbolat Dosaev xalyqty dári-dármekpen qamtamamyz etý salasyndaǵy tártip buzýshylyqtar týraly aitty, dep habarlaidy "Ult Aqparat" QazAqparatqa silteme jasap.
«Halyqtyń dári-dármekpen qamtamasyz etýge qatysty narazylyǵy áli de basylmai tur. Maǵan osy másele boiynsha depýtattardan da, qoǵamdyq uiymdardan da saýaldar jii túsedi. Soǵan qaraǵanda, naýqastardy dári-dármekpen durys qamtamsyz etpeidi. Preparattar berilmese de, qaǵaz júzinde berildi dep jaza salady. Tegin dárilerdi aqshaǵa satý faktileri de bar. Sosyn dárigerler patsientterdi dári-dármekterdi satyp alýǵa mindetteidi eken. Ondai mekemelerdiń basshylaryna qatysty qatań sharalar qoldaný qajet», - dedi E.Dosaev Densaýlyq saqtaý ministrliginiń keńeitilgen májilisinde.
Úkimet basshysynyń orynbasary jergilikti biliktiń ýájin de eske aldy. Ákimderdiń sózine qaraǵanda, jyldyń aiaǵyna deiin barlyq naýqastardy dári-dármekpen qamtamasyz etýge qarjy jetispei jatady. Alaida tekseris kezinde preparattardyń qaǵaz júzinde kóptep jazylatyny anyqtaldy. Al, shyn máninde, ol dáriler taratylmaidy. Budan bólek, jergilikti atqarýshy organdar tym kóp tapsyrys berip otyrady.
«Máselen, keibir aimaqtarda artyq jazylǵan dári-dármekterdiń kólemi aldyńǵy jyldarmen salystyrǵanda 50-60 protsentke kóp bolyp tur. Densaýlyq saqtaý basqaramalary osy máselege nazar aýdarýy qajet. Men tiisti tapsyrmany berdim. Sáýir aiynyń aiaǵyna deiin barlyq oblystarda reviziia ótkizý kerek. Sodan keiin biz naqty qai óńirde qansha dári-dármektiń jetispeitinin anyq kóretin bolamyz. Negizi, jyl saiyn beriletin aqsha buryn bárine jetip turatyn», - dep atap kórsetti E.Dosaev.
