قر پرەمەر-مينيسترٸنٸڭ ورىنباسارى ەربولات دوساەۆ xالىقتى دەرٸ-دەرمەكپەن قامتامامىز ەتۋ سالاسىنداعى تەرتٸپ بۇزۋشىلىقتار تۋرالى ايتتى, دەپ حابارلايدى "ۇلت اقپارات" قازاقپاراتقا سٸلتەمە جاساپ.
«حالىقتىڭ دەرٸ-دەرمەكپەن قامتاماسىز ەتۋگە قاتىستى نارازىلىعى ەلٸ دە باسىلماي تۇر. ماعان وسى مەسەلە بويىنشا دەپۋتاتتاردان دا, قوعامدىق ۇيىمداردان دا ساۋالدار جيٸ تٷسەدٸ. سوعان قاراعاندا, ناۋقاستاردى دەرٸ-دەرمەكپەن دۇرىس قامتامسىز ەتپەيدٸ. پرەپاراتتار بەرٸلمەسە دە, قاعاز جٷزٸندە بەرٸلدٸ دەپ جازا سالادى. تەگٸن دەرٸلەردٸ اقشاعا ساتۋ فاكتٸلەرٸ دە بار. سوسىن دەرٸگەرلەر پاتسيەنتتەردٸ دەرٸ-دەرمەكتەردٸ ساتىپ الۋعا مٸندەتتەيدٸ ەكەن. ونداي مەكەمەلەردٸڭ باسشىلارىنا قاتىستى قاتاڭ شارالار قولدانۋ قاجەت», - دەدٸ ە.دوساەۆ دەنساۋلىق ساقتاۋ مينيسترلٸگٸنٸڭ كەڭەيتٸلگەن مەجٸلٸسٸندە.
ٷكٸمەت باسشىسىنىڭ ورىنباسارى جەرگٸلٸكتٸ بيلٸكتٸڭ ۋەجٸن دە ەسكە الدى. ەكٸمدەردٸڭ سٶزٸنە قاراعاندا, جىلدىڭ اياعىنا دەيٸن بارلىق ناۋقاستاردى دەرٸ-دەرمەكپەن قامتاماسىز ەتۋگە قارجى جەتٸسپەي جاتادى. الايدا تەكسەرٸس كەزٸندە پرەپاراتتاردىڭ قاعاز جٷزٸندە كٶپتەپ جازىلاتىنى انىقتالدى. ال, شىن مەنٸندە, ول دەرٸلەر تاراتىلمايدى. بۇدان بٶلەك, جەرگٸلٸكتٸ اتقارۋشى ورگاندار تىم كٶپ تاپسىرىس بەرٸپ وتىرادى.
«مەسەلەن, كەيبٸر ايماقتاردا ارتىق جازىلعان دەرٸ-دەرمەكتەردٸڭ كٶلەمٸ الدىڭعى جىلدارمەن سالىستىرعاندا 50-60 پروتسەنتكە كٶپ بولىپ تۇر. دەنساۋلىق ساقتاۋ باسقارامالارى وسى مەسەلەگە نازار اۋدارۋى قاجەت. مەن تيٸستٸ تاپسىرمانى بەردٸم. سەۋٸر ايىنىڭ اياعىنا دەيٸن بارلىق وبلىستاردا رەۆيزييا ٶتكٸزۋ كەرەك. سودان كەيٸن بٸز ناقتى قاي ٶڭٸردە قانشا دەرٸ-دەرمەكتٸڭ جەتٸسپەيتٸنٸن انىق كٶرەتٸن بولامىز. نەگٸزٸ, جىل سايىن بەرٸلەتٸن اقشا بۇرىن بەرٸنە جەتٸپ تۇراتىن», - دەپ اتاپ كٶرسەتتٸ ە.دوساەۆ.
