QR Parlamenti Senattyń jalpy otyrysynda QR Ulttyq banki tóraǵasy Erbolat Dosaev biylǵy infliatsiianyń ósý sebebin aitty, dep habarlaidy QazAqparat tilshisi.
«Álemde shikizattyń jáne kólikpen tasymaldaý baǵasy ósýiniń jalǵasýy álemde infliatsiialyq qysymdy saqtap otyrǵanyn da atap ótken jón. Biylǵy jylǵy qazanda ósimdik maiy, bidai ónimderi men sút ónimderi qymbattaýy esebinen FAO azyq-túlik baǵalarynyń indeksi 3 paiyzǵa ósip, 133,2 tarmaqqa jetti. Metaldar shamamen 1,5 ese qymbattady. Konteinerler jetispeýinen qurǵaq júkti tasymaldaý quny (Baltic Dry Index) 2020 jylǵy mamyrdan bastap 7 ese ósti. Nátijesinde óndirýshiler óniminiń ózindik qunynyń ósýi tutyný baǵalaryna aýysady», - dedi «2022-2024 jyldarǵa arnalǵan respýblikalyq biýdjet týraly» zań jobasy týarly baiandaǵan Erbolat Dosaev.
Onyń atap ótýinshe, atalǵan syrtqy faktorlar baǵanyń ósýi úshin qolaisyz ortany qalyptastyrady jáne ishki faktorlarmen qatar teń dárejede Qazaqstanda infliatsiianyń aǵymdaǵy ósýine alyp keldi.
«Biylǵy 2-jartyjyldyqtan bastap Qazaqstanda infliatsiia tutynýshylyq belsendiliktiń tez qalpyna kelýi, ekonomikany fiskaldyq yntalandyrýdyń jalǵasýy jáne jekelegen taýar naryqtaryndaǵy disbalanstar nátijesinde ósti»,. – dedi Ulttyq bank tóraǵasy.
