QR Ulttyq bankiniń tóraǵasy Erbolat Dosaev infliatsiiaǵa qatysty túsinik berdi, dep habarlaidy "Ult aqparat".
«Álemdik qarjy jáne taýar naryqtary koronavirýs taralýynyń ekinshi tolqyny jáne jańa shekteý sharalaryn engizý aiasynda qubylmaly bolyp qalýda.
Osy jaǵdailarda aǵymdaǵy jyly Úkimet IJÓ-niń 2,1 paiyzǵa qysqarýyn eskerip otyr, bul Ulttyq banktiń jańartylǵan boljamyna sáikes keledi. Ulttyq bank 2020 jylǵa arnalǵan biýdjettiń ólshemderin naqtylaý úshin aqsha-kredit saiasaty kórsetkishteriniń jáne tólem balansynyń boljamyn jańartyp usyndy. Bizdiń baǵalaýymyz boiynsha infliatsiia 2020 jyldyń sońyna deiin 8 paiyzǵa deiin jyldamdaidy. Jyldyq infliatsiia aǵymdaǵy jylǵy qyrkúiekte 7 paiyz boldy», - dedi Dosaev Májilistiń jalpy otyrysynda.
Onyń sózine qaraǵanda, azyq-túlik infliatsiiasy baǵanyń ósýine negizgi úles qosýdy jalǵastyrýda, ol aǵymdaǵy jylǵy qyrkúiekte 10,8 paiyzdy qurady. Onyń ósýi jetkizý tizbeginiń buzylýyna, shikizat óniminiń qymbattaýy aiasynda óndirýshiler baǵasynyń ósýine bailanysty.
«Biylǵy jyldyń sońyna deiin kommýnaldyq qyzmetter men kólik tarifteriniń ósýi aiasynda 2020 jylǵy qyrkúiekte 3,6 paiyzǵa deiin jyldamdaǵan aqyly qyzmetter baǵasynyń qalypty ósýi boljanýda», - dedi UB basshysy.
