QR Úkimetiniń qaýlysymen Erbol Dúisebaiuly Ospanov QR Eńbek jáne halyqty áleýmettik qorǵaý vitse-ministri qyzmetine taǵaiyndaldy. Bul týraly QR Premer-Ministriniń baspasóz qyzmeti habarlaidy.
Erbol Ospanov 1977 jyly Ońtústik Qazaqstan oblysynda dúniege kelgen. 1998 jyly Ál-Farabi atyndaǵy Qazaq memlekettik ulttyq ýniversitetin «Qoldanbaly matematika» mamandyǵy boiynsha, 2002 jyly Qazaq ulttyq agrarlyq ýniversitetin «Qarjy jáne nesie» mamandyǵy boiynsha támamdaǵan.
Eńbek jolyn 1999 jyly «Kazgiprojeldortrans» temir jol kóliginiń nysandary men aqparattyq júielerin jobalaýdyń qazaqstandyq tehnikalyq-ekonomikalyq zertteýler institýty» AQ-da 1-sanatty injener bolyp bastady.
2000-2001 jyldary — «Kazgiprojeldortrans» temir jol kóliginiń nysandary men aqparattyq júielerin jobalaýdyń qazaqstandyq tehnikalyq-ekonomikalyq zertteýler institýty» AQ filialynyń jetekshi injeneri.
2001-2006 jyldary «Qazaqstan temir jol kóligi ǵylymi-zertteý institýty» JShS jobalar jetekshisi bolyp jumys istedi.
2006-2007 jyldary — «Qarjy júielerin aqparattandyrý ortalyǵy» AQ aqparattyq júielerdi ázirleý basqarmasynyń júielik taldaý jáne biznes josparlaý bóliminiń jetekshi injener-jobalaýshysy.
2007-2010 jyldary «Ulttyq aqparattyq tehnologiialar» AQ-da jumys istedi, onda memlekettik organdardyń AKT-bólimshelerin qurý departamentiniń bas mamany, memlekettik organdardyń AKT-bólimsheleriniń jumys isteýi jónindegi baǵdarlamanyń AKT-protsesteriniń bas menedjeri, quzyret ortalyǵy direktorynyń orynbasary, quzyret ortalyǵynyń direktory laýazymdaryn atqardy.
2010-2012 jyldary «Zerde» ulttyq infokommýnikatsiialyq holdingi» AQ basqarýshy direktory, aqparattyq-kommýnikatsiialyq tehnologiialardy damytý departamentiniń direktory qyzmetterin atqardy.
2012-2016 jyldary «Zeinetaqy tóleý jónindegi memlekettik ortalyq» RMQK-da bas direktordyń birinshi orynbasary, bas direktordyń orynbasary bolyp jumys istedi.
2016-2020 jyldary «Eńbek resýrstaryn damytý ortalyǵy» AQ vitse-prezidenti, birinshi vitse-prezidenti, prezidenti qyzmetterin atqardy.
