Nur-Sultan qalasynyń № 90 mektep-gimnaziiasynyń direktory, qaiymtanýshy, Qaiym Muhamedhanovtyń shyǵarmalar jinaǵynyń 10-tomdyǵyn qurastyrýshy Erbol Irgebai ǵalymnyń esimin ulyqtaý jolynda birneshe usynys baryn málim etti, dep habarlaidy QazAqparat.
«Biz «Qaiym Muhamedhanovtyń ómiri men shyǵarmashylyǵy arqyly jan-jaqty damyǵan tulǵany qalyptastyrý» degen joba ázirledik. Osyndaǵy negizgi Qaiym Muhamedhanovtyń tulǵalyq qasieti týraly aityp jatyrmyz ǵoi. Ol – ǵalym, ustaz, aqy, drammatýrg, aýdarmashy, tekstolog. Qaiymnyń ǵumyryn ary qarai biz tanystyrýymyz kerek. Qaiymnyń mýzeii ashylsa, Qaiym oqýlary ótse, Qaiymtaný kýrsy bolsa deimiz. «Er Qazaq» pen Qaiym degen – bir-birinen ajyramaityn sózder. Osy rette «Er Qazaq» degen bir jýrnal shyǵarylsa deimin. Qaiymnyń ómirin tanystyrýǵa arnalǵan ekspeditsiialar uiymdastyrylyp, Qaiymnyń atyndaǵy syilyqtar bolsa degen usynystar bar», - dedi Erbol Irgebai Nur-Sultan qalasynyń «Rýhani jańǵyrý» jobalyq keńsesindegi brifingide bergen suhbatynda.
Onyń aitýynsha Qaiymnyń boiyndaǵy izgi qasietterdi qazirgi jas býynnyń boiyna sińire bilgen abzal.
«Osy jobada atalǵan máselelerdiń bárin qamtýǵa tyrystyq. Sátin salsa keleshekte ony mindetti túrde júzege asyramyz degen oidamyz», - dedi ol.
