Áleýmettik jelide sarbaz Erbaian Muhtardyń týystary onyń denesin alyp kete almai jatyrǵandaryn aityp jáne olarǵa jergilikti politsiia ókilderi kedergi keltirgenin jetkizdi, dep habarlady ult.kz MadeniPortal.kz saityna siltep.
Kúni keshe sarbazdyń jaǵdaiy nasharlap, aýrýhanaǵa jatqyzylǵany belgili edi. Al búgin sarbazdyń qaitys bolǵany iaǵni em qabyldaý kezinde júregi toqtap qalǵany týraly aqparat tarady. Buny Erbaiannyń advokaty Inga Imanbai da rastady.
Jelide taraǵana videoda politsiia ókilderi Erbaiannyń týystarymen kerisip, onyń máiitin bermeýdiń joldaryn jasaǵan. Tipti bireýi qarýyn shyǵarýǵa bel býǵan.
Erbaian Muhtarov Ulttyq ulanda áskeri boryshyn ótep júrgen kezinde dárethanada qulap, mi jaraqatyn alǵan degen diagnozben aýrýhanaǵa túsken edi. Alaida búgin onyń qaitys bolǵany belgili boldy. Týystarynyń aitýynsha, marqumnyń máiiti olarǵa berilmei, ruqsatsyz máiithanaǵa jetkizilgen.
Erbaian Muhtarovtyń týys aǵasynyń sózinshe, beinejazbadan onyń anasyn politsiia qyzmetkeriniń julqylap, kúsh kórsetkenin anyq kórýge bolady. Sondai-aq ol «politsiia qyzmetkeri tapanshasyn shyǵaryp, oq atpaq boldy» dep málimdedi.
Atalǵan beine TikTok áleýmettik jelisindegi tikelei efirden jazylyp alynǵan.
