Eraly Toǵjanov Qazaqstan Respýblikasy Premer-Ministriniń orynbasary bolyp taǵaiyndaldy. Bul týraly Aqordanyń baspasóz qyzmeti habarlady.
Toǵjanov Eraly Luqpanuly 1963 jyly 13 mamyrda Batys Qazaqstan oblysynda dúniege kelgen.
Joǵary bilimdi: E.A. Bóketov atyndaǵy Qaraǵandy memlekettik ýniversitetinde (1983-1988 jj.), Quqyqtaný.
QR Ǵylym Akademiiasynyń Memleket jáne quqyq institýty (1991-1994jj.), zańger.
Keńes odaǵynyń ásker qatarynda qyzmet etti.
1991 jyldan 1998 jylǵa deiin E.A. Bóketov atyndaǵy Qaraǵandy memlekettik ýniversitetiniń Memleket jáne quqyq teoriiasy men tarihy kafedrasynda oqytýshy.
1994-1996 jj. QR Ǵylym Akademiiasynyń Memleket jáne quqyq institýtynda ǵylymi qyzmetker.
1996 jyldan bastap Qazaq gýmanitarlyq zań ýniversitetiniń Memlekettik qyzmet jáne halyqaralyq quqyq fakýltetiniń aǵa oqytýshysy, dekan orynbasary qyzmetin atqardy.
1994 jyldan bastap atalǵan ýniversitettiń halyqaralyq quqyq fakýltetiniń dekany boldy.
1999 jyly filial dekany, 2001 jyly Astana qalasynyń Qazaq gýmanitarlyq zań ýniversitetiniń Quqyq jáne memlekettik qyzmet institýtynyń direktory bolyp taǵaiyndaldy.
2001-2006 jj. Qaraǵandy oblysy ákiminiń orynbasary.
2006-2008 jj. Qazaqstan Respýblikasy Ádilet ministrligi Din ister komitetiniń tóraǵasy bolyp jumys istedi.
2008 jyldyń qańtarynda Qazaqstan Respýblikasy Prezidenti Ókimimen Qazaqstan Respýblikasy Prezident Ákimshiliginiń Qazaqstan halqy Assambleiasy Hatshylyǵynyń meńgerýshisi bolyp taǵaiyndaldy.
2017 jyldyń naýryzynda Mańǵystaý oblysynyń ákimi qyzmetine taǵaiyndaldy.
2019 jyldyń qyrkúieginde Kásipodaqtar federatsiiasynyń tóraǵasy boldy.
Memlekettik marapattary jáne qurmetti ataqtary bar. 2 deńgeili «Dostyq» ordeni jáne «Eren eńbegi úshin» medalimen marapattalǵan.
