QR Densaýlyq saqtaý ministrliginiń keńeitilgen alqa otyrysynda vitse-premer Eraly Toǵjanov koronavirýsqa qatysty eldegi epidahýaldy baqylaýda ustaý boiynsha naqty tapsyrmalar berdi, dep habarlaidy QazAqparat tilshisi.
«Eldegi epidaýhal vaktsinatsiianyń deńgeiine de bailanysty ekeni túsinikti. Biraz elde aýrýdyń tolqyndary 3 aiǵa deiin jetkeni belgili. Bizde «omikronnyń» ózin 1 aidyń arasynda ótkerýge múmkindik boldy. Onyń bári naqty júrgizilgen is-sharalardyń arqasy. Qanshama qarsylyq boldy?! Ony da kórdińizder. Antivakser degen arnaiy toptar qurylyp, eldiń arasynda keri nasihat júrgizgenin de jaqsy bilemiz. Soǵan qaramastan el bolyp, halyq bolyp osy sharýany birge sheshtik. Sonyń nátijesinde qazir biznes salasy 100 paiyz jumys jasaýǵa múmkindik alyp otyr», - dedi Premer-Ministrdiń orynbasary.
Sondai-aq, ol áli ondaǵan memlekette kornavirýs beleń alyp turǵanyn eske saldy.
«57 memleketke vizasyz kirý múmkindigi paida boldy. Vaktsina alǵan azamattar ol elderge PTR-testsiz de kire alady. Onyń bári jaqsy jeńildik dep oilaimyz. Biraq endi bosańsýǵa bolmaidy. Ony ózderińiz jaqsy bilesizder. Áli 35 memlekette koronavirýstyń ósýi baiqalyp otyr. Onyń ishinde kórshi memleketter de joq emes, osy jaǵyn eskerýimiz kerek», - dedi Eraly Toǵjanov.
