قر دەنساۋلىق ساقتاۋ مينيسترلٸگٸنٸڭ كەڭەيتٸلگەن القا وتىرىسىندا ۆيتسە-پرەمەر ەرالى توعجانوۆ كوروناۆيرۋسقا قاتىستى ەلدەگٸ ەپيداحۋالدى باقىلاۋدا ۇستاۋ بويىنشا ناقتى تاپسىرمالار بەردٸ, دەپ حابارلايدى قازاقپارات تٸلشٸسٸ.
«ەلدەگٸ ەپيداۋحال ۆاكتسيناتسييانىڭ دەڭگەيٸنە دە بايلانىستى ەكەنٸ تٷسٸنٸكتٸ. بٸراز ەلدە اۋرۋدىڭ تولقىندارى 3 ايعا دەيٸن جەتكەنٸ بەلگٸلٸ. بٸزدە «وميكروننىڭ» ٶزٸن 1 ايدىڭ اراسىندا ٶتكەرۋگە مٷمكٸندٸك بولدى. ونىڭ بەرٸ ناقتى جٷرگٸزٸلگەن ٸس-شارالاردىڭ ارقاسى. قانشاما قارسىلىق بولدى?! ونى دا كٶردٸڭٸزدەر. انتيۆاكسەر دەگەن ارنايى توپتار قۇرىلىپ, ەلدٸڭ اراسىندا كەرٸ ناسيحات جٷرگٸزگەنٸن دە جاقسى بٸلەمٸز. سوعان قاراماستان ەل بولىپ, حالىق بولىپ وسى شارۋانى بٸرگە شەشتٸك. سونىڭ نەتيجەسٸندە قازٸر بيزنەس سالاسى 100 پايىز جۇمىس جاساۋعا مٷمكٸندٸك الىپ وتىر», - دەدٸ پرەمەر-مينيستردٸڭ ورىنباسارى.
سونداي-اق, ول ەلٸ ونداعان مەملەكەتتە كورناۆيرۋس بەلەڭ الىپ تۇرعانىن ەسكە سالدى.
«57 مەملەكەتكە ۆيزاسىز كٸرۋ مٷمكٸندٸگٸ پايدا بولدى. ۆاكتسينا العان ازاماتتار ول ەلدەرگە پتر-تەستسٸز دە كٸرە الادى. ونىڭ بەرٸ جاقسى جەڭٸلدٸك دەپ ويلايمىز. بٸراق ەندٸ بوساڭسۋعا بولمايدى. ونى ٶزدەرٸڭٸز جاقسى بٸلەسٸزدەر. ەلٸ 35 مەملەكەتتە كوروناۆيرۋستىڭ ٶسۋٸ بايقالىپ وتىر. ونىڭ ٸشٸندە كٶرشٸ مەملەكەتتەر دە جوق ەمەس, وسى جاعىن ەسكەرۋٸمٸز كەرەك», - دەدٸ ەرالى توعجانوۆ.
