Memleket basshysynyń tapsyrmasyna sáikes óńirlerdiń epidemiologiialyq jaǵdaiymen jáne koronavirýs infektsiiasynyń ekinshi tolqynyna daiyndyǵymen tanysý maqsatynda QR Premer-Ministriniń orynbasary Eraly Toǵjanov jumys saparymen Atyraý oblysyna keldi, dep habarlaidy "Ult aqparat".
Ol ótkizgen jedel keńeste Atyraý oblysynyń ákimi Mahambet Dosmuhambetov koronavirýs infektsiiasynyń ekinshi tolqynyna daiyndyq týraly baiandady.
Eraly Toǵjanov óńir basshylyǵyna epidemiologiialyq ahýaldy, halyqty jáne meditsinalyq mekemelerdi dári-dármekpen, sondai-aq ókpeni jasandy jeldetý apparattarymen, ottegi kontsentratorlarymen qamtamasyz etý máselesin erekshe baqylaýda ustaýdy tapsyrdy. Sondai-aq, óńir basshylyǵyna karantin rejimin saqtaý qajettiligi týraly halyq arasynda túsindirý jumystaryn kúsheitý tapsyryldy.
Premer-Ministrdiń orynbasary jumys saparynyń aiasynda 200 tósek-oryndyq modýldi juqpaly aýrýlar aýrýhanasy qurylysynyń barysymen tanysty. Oblysty dári-dármekpen qamtýdaǵy turaqtandyrý qoryna, aimaqtyń dárihana jelilerine 42 ataý boiynsha dárilik zattardy jetkizetin «Ińkár» JShS qoimasyna bardy. Budan soń Atyraý qalasyndaǵy №4 emhanada boldy. Kelýshilerdiń temperatýrasyn avtomatty túrde ólsheitin robotty iske qosqan emhanada 343 meditsina qyzmetkeri jumys isteidi.
E.Toǵjanov óńirde «Jumyspen qamtýdyń 2020-2021 jyldarǵa arnalǵan jol kartasy»
baǵdarlamasy aiasynda júrgizilip jatqan alty jolaqty avtojoldyń qurylys jumystarynyń sapasymen, 600 oryndyq mektep qurylysynyń barysymen tanysty.
