2021 jyldyń sońyna deiin 4 millionǵa jýyq qazaqastandyq koronavirýsqa qarsy vaktsinatsiia alady. Bul týraly Úkimet otyrysynda QR Premer-Ministrdiń orynbasary Eraly Toǵjanov aitty, dep habarlaidy "Ult aqparat".
«1 aqpanǵa deiin meditsina uiymdarynyń vaktsinatsiia kezeńine daiyndyǵyn qatań baqylaýǵa alýdy suraimyz. Onyń ishinde vaktsinatsiiany boljaý deńgeii 1-jartyjyldyqta 2 mln-ǵa deiin adamdy josparlaimyz. Ekinshi jartyjyldyqta 3-ten 4 mln adamǵa deiin josparǵa engizip otyrmyz. Onyń ishinde aqpan aiynda - 100 myń, naýryzda - 150 myń, sáýirde - 600 myń, mamyrda - 600 myń, tamyzda - 600 myń adam. Sonymen qatar jyldyń sońyna, tamyzdan jeltoqsanǵa deiin 600 myń adam vaktsinatsiia alatyndyǵy kútiledi», - dedi ol.
Úkimet basshysynyń orynbasary bul derekter jumys barysynda naqtylana túsetindigin eskertip ótti.
«Sondyqtan muny birge qarastyramyz. Jalpy, oblystardyń, Nur-Sultan, Almaty, Shymkent qalalarynyń ákimderinen koronavirýs infektsiiasynyń taralýyna jol bermeý jónindegi óńirlik shtab jumysyn kúsheitý suralady. Onyń ishinde «qyzyl» aimaqtaǵy óńirlerde epidemiologiialyq jaǵdai shtab otyrystarynda kún saiyn qaralýy tiis», - dedi Eraly Toǵjanov.
