2021 جىلدىڭ سوڭىنا دەيٸن 4 ميلليونعا جۋىق قازاقاستاندىق كوروناۆيرۋسقا قارسى ۆاكتسيناتسييا الادى. بۇل تۋرالى ٷكٸمەت وتىرىسىندا قر پرەمەر-مينيستردٸڭ ورىنباسارى ەرالى توعجانوۆ ايتتى, دەپ حابارلايدى "ۇلت اقپارات".
«1 اقپانعا دەيٸن مەديتسينا ۇيىمدارىنىڭ ۆاكتسيناتسييا كەزەڭٸنە دايىندىعىن قاتاڭ باقىلاۋعا الۋدى سۇرايمىز. ونىڭ ٸشٸندە ۆاكتسيناتسييانى بولجاۋ دەڭگەيٸ 1-جارتىجىلدىقتا 2 ملن-عا دەيٸن ادامدى جوسپارلايمىز. ەكٸنشٸ جارتىجىلدىقتا 3-تەن 4 ملن ادامعا دەيٸن جوسپارعا ەنگٸزٸپ وتىرمىز. ونىڭ ٸشٸندە اقپان ايىندا - 100 مىڭ, ناۋرىزدا - 150 مىڭ, سەۋٸردە - 600 مىڭ, مامىردا - 600 مىڭ, تامىزدا - 600 مىڭ ادام. سونىمەن قاتار جىلدىڭ سوڭىنا, تامىزدان جەلتوقسانعا دەيٸن 600 مىڭ ادام ۆاكتسيناتسييا الاتىندىعى كٷتٸلەدٸ», - دەدٸ ول.
ٷكٸمەت باسشىسىنىڭ ورىنباسارى بۇل دەرەكتەر جۇمىس بارىسىندا ناقتىلانا تٷسەتٸندٸگٸن ەسكەرتٸپ ٶتتٸ.
«سوندىقتان مۇنى بٸرگە قاراستىرامىز. جالپى, وبلىستاردىڭ, نۇر-سۇلتان, الماتى, شىمكەنت قالالارىنىڭ ەكٸمدەرٸنەن كوروناۆيرۋس ينفەكتسيياسىنىڭ تارالۋىنا جول بەرمەۋ جٶنٸندەگٸ ٶڭٸرلٸك شتاب جۇمىسىن كٷشەيتۋ سۇرالادى. ونىڭ ٸشٸندە «قىزىل» ايماقتاعى ٶڭٸرلەردە ەپيدەميولوگييالىق جاعداي شتاب وتىرىستارىندا كٷن سايىن قارالۋى تيٸس», - دەدٸ ەرالى توعجانوۆ.
