Qyrǵyzstanda 39 jastaǵy er adam burynǵy áielin aiaýsyz soqqyǵa jyqqan. Bet, moiyn jáne basynan jaraqat alǵan 36 jastaǵy áiel aýrýhanaǵa jetkizildi. Onyń qulaǵy men murny kesilgen. Oqiǵa 2023 jyly boldy, dep habarlaidy ult.kz.
Shý aýdany Selektsionnyi aýylynda jantúrshigerlik oqiǵa oryn aldy. Jábirlenýshiniń ápkesiniń aitýynsha, ajyrasqannan keiin er adam ony birneshe ret uryp-soǵyp, azaptap, zorlaǵan jáne óltirýge árekettengen.
"Kóp jaǵdailar boldy. Biz birneshe ret politsiiaǵa habarlastyq, aryz jazdyq, sot-meditsinalyq sarapshyǵa million ret bardyq, uryp-soqqan sátin videoǵa túsirdik, biraq bári beker. Quqyq qorǵaý organdary bizge ol óltirmeiinshe is qozǵamaitynyn jáne túrmege qamai almaitynyn aitty. Sińlim eki ulyn jalǵyz ózi asyrap otyr. Burynǵy kúieýiniń politsiiaǵa da qol kótergen sátteri boldy. Sodan keiin ony túrmege jabý kerek edi, biraq týystary aqsha berip, sottan aman alyp qaldy. Osy oqiǵadan keiin ol kún saiyn ápkemdi ańdyp, sońyna túse bastady", - dep jazdy jábirlenýshiniń ápkesi áleýmettik jelide.
Osy oqiǵadan keiin qylmysker ustaldy.
Atalǵan jaǵdaidan keiin parlament otyrysynda depýtattar turmystyq zorlyq-zombylyq taqyrybyn kóterdi. Olar Ishki ister ministrinen osy máseleni qolǵa alýyn surady.
