قىرعىزستاندا 39 جاستاعى ەر ادام بۇرىنعى ەيەلٸن اياۋسىز سوققىعا جىققان. بەت, مويىن جەنە باسىنان جاراقات العان 36 جاستاعى ەيەل اۋرۋحاناعا جەتكٸزٸلدٸ. ونىڭ قۇلاعى مەن مۇرنى كەسٸلگەن. وقيعا 2023 جىلى بولدى, دەپ حابارلايدى ult.kz.
شۋ اۋدانى سەلەكتسيوننىي اۋىلىندا جانتٷرشٸگەرلٸك وقيعا ورىن الدى. جەبٸرلەنۋشٸنٸڭ ەپكەسٸنٸڭ ايتۋىنشا, اجىراسقاننان كەيٸن ەر ادام ونى بٸرنەشە رەت ۇرىپ-سوعىپ, ازاپتاپ, زورلاعان جەنە ٶلتٸرۋگە ەرەكەتتەنگەن.
"كٶپ جاعدايلار بولدى. بٸز بٸرنەشە رەت پوليتسيياعا حابارلاستىق, ارىز جازدىق, سوت-مەديتسينالىق ساراپشىعا ميلليون رەت باردىق, ۇرىپ-سوققان سەتٸن ۆيدەوعا تٷسٸردٸك, بٸراق بەرٸ بەكەر. قۇقىق قورعاۋ ورگاندارى بٸزگە ول ٶلتٸرمەيٸنشە ٸس قوزعامايتىنىن جەنە تٷرمەگە قاماي المايتىنىن ايتتى. سٸڭلٸم ەكٸ ۇلىن جالعىز ٶزٸ اسىراپ وتىر. بۇرىنعى كٷيەۋٸنٸڭ پوليتسيياعا دا قول كٶتەرگەن سەتتەرٸ بولدى. سودان كەيٸن ونى تٷرمەگە جابۋ كەرەك ەدٸ, بٸراق تۋىستارى اقشا بەرٸپ, سوتتان امان الىپ قالدى. وسى وقيعادان كەيٸن ول كٷن سايىن ەپكەمدٸ اڭدىپ, سوڭىنا تٷسە باستادى", - دەپ جازدى جەبٸرلەنۋشٸنٸڭ ەپكەسٸ ەلەۋمەتتٸك جەلٸدە.
وسى وقيعادان كەيٸن قىلمىسكەر ۇستالدى.
اتالعان جاعدايدان كەيٸن پارلامەنت وتىرىسىندا دەپۋتاتتار تۇرمىستىق زورلىق-زومبىلىق تاقىرىبىن كٶتەردٸ. ولار ٸشكٸ ٸستەر مينيسترٸنەن وسى مەسەلەنٸ قولعا الۋىن سۇرادى.
