Soltústik Qazaqstan oblysynda aýyl turǵyny kórshileriniń birimen janjaldasyp, úiin órtep jiberdi, dep habarlaidy "Ult aqparat".
SQO politsiia departamenti baspasóz qyzmetiniń málimetinshe, 10 mamyrǵa qaraǵan túni M.Jumabaev aýdany Qaraqoǵa aýylyndaǵy turǵyn úilerdiń birinen órt shyqqan. Órtten eshkim zardap shekken joq: sol kúni úi iesi jalǵyzbasty 52 jastaǵy áiel tanysynyń úiinde túnegen eken.
Ol politseilerge jýyrda tanys adamymen janjaldasyp, onyń qoqan-loqy kórsetkenin aitqan. Aýdandyq politsiia bóliminiń qyzmetkerleri de úidiń qasaqana órtelgenin anyqtady.
Jedel-izdestirý is-sharalary barysynda buryn urlyq jasaǵany jáne aýyr dene jaraqattaryn keltirgeni úshin sottalǵan 42 jastaǵy jergilikti turǵynnyń qatysy bary rastaldy. Atalǵan fakti «Bótenniń múlkin qasaqana joiý nemese búldirý» baby boiynsha Sotqa deiingi tergep-tekserýlerdiń biryńǵai tizilimine engizildi.
«Ustaý kezinde kúdikti mas bolǵan. Ishimdikti shamadan tys ishý kóbine adamdardy zań buzýǵa itermeleidi. Kúdiktiniń aitýynsha, aýlada turǵan divandaǵy jamylǵyny órtemek bolǵan, sol úshin ottyqty paidalanǵan.
Atalǵan fakti boiynsha barlyq qajetti saraptamalar taǵaiyndaldy, bolǵan oqiǵanyń mán-jaiyn tolyq jáne jan-jaqty anyqtaýǵa baǵyttalǵan sotqa deiingi tergeý júrgizilip jatyr», - deidi aýdandyq politsiia bóliminiń bastyǵy Qairat Bimendin.
