Máskeýdiń soltústik-shyǵysynda bolǵan asa aýyr qylmys quqyq qorǵaý organdarynyń tergeýine alyndy. Aldyn ala málimet boiynsha, er adam óz ákesin óltirip, máiitin bólshektep, dene bólikterin birneshe sómkege salyp alyp ketken degen kúdikke ilindi, dep habarlaidy ult.kz.
Tergeý málimetinshe, 18 shilde kúni er adamnyń jubaiy kúieýiniń joǵalyp ketkeni týraly politsiiaǵa habarlaǵan. Onyń aitýynsha, kúieýi Paleha kóshesinde turatyn uldarynyń úiine qonaqqa ketkennen keiin bailanysqa shyqpaǵan. Sol ýaqyttan beri uldarynyń da qaida ekeni belgisiz bolǵan.
Beinebaqylaý kameralaryn tekserý barysynda marqumnyń ulynyń páterine kirgeni, alaida odan qaita shyqpaǵany anyqtalǵan. Al kúdikti birneshe úlken sómkeni kóterip shyǵyp, kóligimen Vladimir oblysyna qarai bet alǵany beinejazbalardan kórinedi.
Tergeýshilerdiń aldyn ala boljamynsha, kúdikti ákesiniń máiitin bólshektep, keiin orman alqabynda órtep jibergen. Qazirgi ýaqytta ol Máskeýge jetkizilip, tergeý amaldary júrgizilip jatyr.
Atalǵan derek boiynsha qylmystyq is qozǵaldy. Quqyq qorǵaý organdary oqiǵanyń barlyq mán-jaiyn anyqtap jatyr.
