مەسكەۋدٸڭ سولتٷستٸك-شىعىسىندا بولعان اسا اۋىر قىلمىس قۇقىق قورعاۋ ورگاندارىنىڭ تەرگەۋٸنە الىندى. الدىن الا مەلٸمەت بويىنشا, ەر ادام ٶز ەكەسٸن ٶلتٸرٸپ, مەيٸتٸن بٶلشەكتەپ, دەنە بٶلٸكتەرٸن بٸرنەشە سٶمكەگە سالىپ الىپ كەتكەن دەگەن كٷدٸككە ٸلٸندٸ, دەپ حابارلايدى ult.kz.
تەرگەۋ مەلٸمەتٸنشە, 18 شٸلدە كٷنٸ ەر ادامنىڭ جۇبايى كٷيەۋٸنٸڭ جوعالىپ كەتكەنٸ تۋرالى پوليتسيياعا حابارلاعان. ونىڭ ايتۋىنشا, كٷيەۋٸ پالەحا كٶشەسٸندە تۇراتىن ۇلدارىنىڭ ٷيٸنە قوناققا كەتكەننەن كەيٸن بايلانىسقا شىقپاعان. سول ۋاقىتتان بەرٸ ۇلدارىنىڭ دا قايدا ەكەنٸ بەلگٸسٸز بولعان.
بەينەباقىلاۋ كامەرالارىن تەكسەرۋ بارىسىندا مارقۇمنىڭ ۇلىنىڭ پەتەرٸنە كٸرگەنٸ, الايدا ودان قايتا شىقپاعانى انىقتالعان. ال كٷدٸكتٸ بٸرنەشە ٷلكەن سٶمكەنٸ كٶتەرٸپ شىعىپ, كٶلٸگٸمەن ۆلاديمير وبلىسىنا قاراي بەت العانى بەينەجازبالاردان كٶرٸنەدٸ.
تەرگەۋشٸلەردٸڭ الدىن الا بولجامىنشا, كٷدٸكتٸ ەكەسٸنٸڭ مەيٸتٸن بٶلشەكتەپ, كەيٸن ورمان القابىندا ٶرتەپ جٸبەرگەن. قازٸرگٸ ۋاقىتتا ول مەسكەۋگە جەتكٸزٸلٸپ, تەرگەۋ امالدارى جٷرگٸزٸلٸپ جاتىر.
اتالعان دەرەك بويىنشا قىلمىستىق ٸس قوزعالدى. قۇقىق قورعاۋ ورگاندارى وقيعانىڭ بارلىق مەن-جايىن انىقتاپ جاتىر.
