Kýveitte er adam 15 jyl buryn aǵasyn óltirgen qylmyskerden kek alyp, ony atyp óltirgen, dep habarlaidy ult.kz.
Oqiǵa Súláibiia aýdanynda bolǵan. Jergilikti aqparat quraldarynyń habarlaýynsha, 1990 jyly týǵan er adam aǵasyn óltirgen 1985 jyly týǵan azamatty birneshe kún boiy ańdyǵan. Ol qylmys jasaǵany úshin jeti jyl túrmede otyryp, keiin bostandyqqa shyqqan.
Qylmysker túrmeden shyqqannan keiin kúdikti ony óltirýge birneshe ret áreket jasaǵanymen, yńǵaily sát tappaǵan. Keiin jábirlenýshi Súláibiiadaǵy kooperativ mańyna kóligimen kelip, jaqyn mańdaǵy tigin sheberhanasyna kirgen kezde, kúdikti onyń artynan barǵan.
Kúdikti sheberhanada er adamǵa Kalashnikov avtomatynan oq atqan. Oqiǵa ornynda qaza tapqan azamattyń denesi sot-meditsinalyq saraptamaǵa jiberildi. Al kúdikti keiin politsiiaǵa ózi berilip, qylmys kezinde qoldanǵan qarýyn tapsyrǵan.
Kúdikti politsiiaǵa bul áreketti aǵasynyń ólimi úshin kek alý maqsatynda jasaǵanyn aitqan.
Keiin bul is boiynsha sot úkimi shyqty. Kýveittiń Kassatsiialyq soty qylmysqa qatysy bar úsh aǵaiyndyǵa taǵaiyndalǵan ólim jazasyn ózgertti: negizgi aiyptalýshy ómir boiyna bas bostandyǵynan aiyrylsa, qalǵan ekeýi 10 jylǵa sottaldy.
