كۋۆەيتتە ەر ادام 15 جىل بۇرىن اعاسىن ٶلتٸرگەن قىلمىسكەردەن كەك الىپ, ونى اتىپ ٶلتٸرگەن, دەپ حابارلايدى ult.kz.
وقيعا سٷلەيبييا اۋدانىندا بولعان. جەرگٸلٸكتٸ اقپارات قۇرالدارىنىڭ حابارلاۋىنشا, 1990 جىلى تۋعان ەر ادام اعاسىن ٶلتٸرگەن 1985 جىلى تۋعان ازاماتتى بٸرنەشە كٷن بويى اڭدىعان. ول قىلمىس جاساعانى ٷشٸن جەتٸ جىل تٷرمەدە وتىرىپ, كەيٸن بوستاندىققا شىققان.
قىلمىسكەر تٷرمەدەن شىققاننان كەيٸن كٷدٸكتٸ ونى ٶلتٸرۋگە بٸرنەشە رەت ەرەكەت جاساعانىمەن, ىڭعايلى سەت تاپپاعان. كەيٸن جەبٸرلەنۋشٸ سٷلەيبيياداعى كووپەراتيۆ ماڭىنا كٶلٸگٸمەن كەلٸپ, جاقىن ماڭداعى تٸگٸن شەبەرحاناسىنا كٸرگەن كەزدە, كٷدٸكتٸ ونىڭ ارتىنان بارعان.
كٷدٸكتٸ شەبەرحانادا ەر ادامعا كالاشنيكوۆ اۆتوماتىنان وق اتقان. وقيعا ورنىندا قازا تاپقان ازاماتتىڭ دەنەسٸ سوت-مەديتسينالىق ساراپتاماعا جٸبەرٸلدٸ. ال كٷدٸكتٸ كەيٸن پوليتسيياعا ٶزٸ بەرٸلٸپ, قىلمىس كەزٸندە قولدانعان قارۋىن تاپسىرعان.
كٷدٸكتٸ پوليتسيياعا بۇل ەرەكەتتٸ اعاسىنىڭ ٶلٸمٸ ٷشٸن كەك الۋ ماقساتىندا جاساعانىن ايتقان.
كەيٸن بۇل ٸس بويىنشا سوت ٷكٸمٸ شىقتى. كۋۆەيتتٸڭ كاسساتسييالىق سوتى قىلمىسقا قاتىسى بار ٷش اعايىندىعا تاعايىندالعان ٶلٸم جازاسىن ٶزگەرتتٸ: نەگٸزگٸ ايىپتالۋشى ٶمٸر بويىنا باس بوستاندىعىنان ايىرىلسا, قالعان ەكەۋٸ 10 جىلعا سوتتالدى.
