Japoniialyq Iasýo Takamatsý 2011 jyly eldi dúr silkindirgen alapat jer silkinisi men tsýnami kezinde iz-túzsiz joǵalǵan jubaiyn 14 jyldan beri izdeýdi toqtatqan joq, dep habarlaidy ult.kz.
Áieli Iýko apat kezinde habar-osharsyz ketken. Aldymen Takamatsý eki jyldan astam ýaqyt boiy qurlyqtan izdeý jumystaryn júrgizgen. Alaida esh nátije shyqpaǵan soń, 2013 jyly ol arnaiy daivingti meńgerip, muhit túbinen izdeýge bel býady.
Sodan beri japondyq er adam muhitqa 650-den astam ret súńgip, áieliniń sońǵy tilegin oryndaýǵa tyrysyp keledi. Iýkonyń kúieýine jibergen sońǵy habarlamasynda: «Jaǵdaiyń jaqsy ma? Men úige qaitqym keledi», – degen sózder jazylǵan.
Qazir jasy 60-tan asqan Takamatsý Japoniianyń Onagava qalasy mańyndaǵy teńiz akvatoriiasynda erikti súńgýirlermen birge izdeý jumystaryn áli de jalǵastyryp júr.
Ol osy ýaqytqa deiin jubaiyn taba almaǵanymen, sýǵa súńgý ózin áieline burynǵydan da jaqyn sezinýdiń jalǵyz joly ekenin aitady.
Iasýo Takamatsýdyń oqiǵasy álem jurtshylyǵyn beijai qaldyrmai, máńgilik mahabbat pen adaldyqtyń simvolyna ainalǵan áserli hikaialardyń biri retinde baǵalanýda.
